HSA Silchar in freshers meet vawi 26-na hmang

Silchar | September 3, 2018: Vawisun September 3, 2018 khan Hmar students’ Association Silchar branch chun Bhango Bhawan, Sadarghat, Silchar ah Freshers Meet vawi 26-na ropui takin an hmang.

Hi hun hi N.C. Hills Indigenous Students’ Forum president David Keivom chun khuollien niin a hmangpui a, Dr. Nathanael Sungte le Dr. Samson Lalhnethang Hmar haiin Khuolinzaum niin an hmangpui bawk.

Hi hun hi Tv. Liensanglor Zate le Nk. Glory Zate in an keithuoi a.  HSA Silchar branch president Peter L Kungate chun lawmna thucha a hril a.

Khuollien David Keivom chun, “thuoitu ni chun indikna le huoisenna nei” a tul zie a hril.

Khuol-inzaum Dr. Nathanael Sungte le Dr. Samson Lalhnethang Hmar hai khawmin thu hrilin, Hmar hai chu khawlai hmunah um inla khawm ei tawng, ei hnam, ei nunphung ei zie le rang inzapui loa chawisang dingin inchuklai hai chu an incha a, Inchuknaah theitawp insuo dingin an incha bawk.

Hi hunah hin HSA Silchar branch thuoitu ding a hnuoia ang hin an thkang nghal.

President : Peter Kungate

V. President       : Nathanael Neingaite

Secretary: Alfred Intovate

Asst. Secretary  : Nehemi Thiek

Treasurer            : Genevi Infimate

Finance Secy.     : Peniel Tuolor

Freshers meet ah hin mi thar nuhmei 18 le pasal 12 an um a. Inchuklai hlawhtling hai bakah  a thlawna thisen petu mi 14 hai chawimawina inhlan an ni a. Hlasakthiemhaiin mipui fekhawm an inawi a, hnam lam mawi tak inentir a ni bawk.