Vawiin khan ICFAI University
Mizoram chuan Freshers Social 2018 Vanapa Hall-ah an hmang a, Lt. Gen. Johny
Mukherjee, Former Chief of Staff, HQ Eastern Command chu khuallian niin a
hmanpui.
Khuallian chuan zirlaite chu
mahni hnam nungphung chawi nung a, eirukna leh hlemhletna laka fihlim tura
chahin, mizo te hian hmanlai a nuphung tha an neih thin kha an chhawm nung tlat
a pawimawh hle niin a sawi.
Zirlai lut tharte lawmna hun hi
ICFAI University Vice Chancellor Lt. Gen. Dr AK
Misra pawhin hmanpuiin College kal hun hi thiantha in chhar tharna hun a
ni a, zirlaite pawh thiana insiam tura chahin, ICFAI chhungkua ah thlamuang
taka awm tura lawmluh an nih thu a sawi.
ICFAI University-ah hian zirlai
lut thar mi 360 vel awmin zirlai 950 vel ten zirna an bei a, MA leh BA zirna
bakah Management zirna Course 17 hawn mek niin, Freshers social ah hian zirlai
te chuan an thiamna chi hrang hrang pho langin ICFAI University Mr leh Miss an
thlang nghal a ni.
No comments:
Thanks for your comment.