September 30 hmaa Tuirini Lei Chim Chhan Puangzar turin MNYF In PWD Mnister Phut

"September 30, 2018 ral hmaa Tuirini lei chim chhan puangzar turin PWD Minister Lal Thanzara kan phut; Mizoram in PWD Minister kan neih tawh zingah A ngaihna hrelo ber Minister ' ah kan puang"
 - Lalremruata Chhangte, vice president MNYF 


Zoram mipuite'n kan hriat tawh angin Tuirini chu dawh that a nih mek laiin February 13, 2018 khan mi pahnihin an zawh laiin a chim palh hlauh mai a, nunna hlu tak chan pawh an awm hial anih kha. Lei chim chhan chhui tur Mizoram Sawrkarin a din a, Aizawl Deputy Commissioner kaihhruaina hnuaiah Magisterial Inquiry din niin May 23, 2018 khan Tuirini lei chim chhan an chhuina report chu Aizawl DC A. Mathumma chuan Mizoram Sorkarah a thehlut tawh ani. Lei chim chhan chhuitu te'n an chhuina report an thehluh hnuah thla li dawn a Liam tawh chunga vawiin thlenga lei chim chhan Mizoram Sorkarin mipuite hriat tura a la puangzar ngamlo hi MNF thalaite chuan mak kan ti a, he thilah hian puanzar ngam loh thil in thup a lan yang nge, thil tisual lo tawrh tir tumna a awm zawk? Tun thla September ni 30, 2018 ral hma ngei a puang chhuak turin PWD Minister Lal Thanzara kan phut a ni. December 2, 2015 khan Sihhmui leh Lengpui inkara Tlawng lei chu a chim nawn a, a chhui turin khatih laia Aizawl DC Franklin Laltinkhuma ruat niin a kaihhruaina hnuaiah Magisterial Inquiry din ani a, thla hnih chhung lekin February 6, 2016 khan lei chim chhan an chhuina report thehiutin mipui hriat turin an puangzar hman ani. Tun ataka Turini lei chim chhan an puang chhuak thei lo bik hi zahthlak kan tiin a hrilhhai thlak kan ti takzet ani. Lei chim avanga a mawhphurtu zawng chhuaka hremna pe tura nawrna a awm mek laiin, a mawhphurtu chhui chhuak lova,amawhphurlotu chauh achhui chhuak thei hi amak kan ti a, amah thlangtlingtu mipuite zahlohna tawpkhawkah kan ngai a ni. PWD Minister hian a mawhphurhna a hlen zo hlawl lovah kan ngai a,e a u thlazar hnuaia office hran luah a in la Tian ve mai mai ah kan ngai a, mawhphurhna la ngam ram hruaitu zingah PWD Minister Lal Thanzara hi kan chhiar theilo ani. Tin, Aizawl City Convention Center sak tumte.'n Upper Khatla, MG Road an laih chim avanga February 16, 2018 a lei dawh hna thawh Sawrkarin a tan tawh, June ,2018 ral hmaa thawh zawh tur an pawhsei hnuah an huntiam hnuhnung September, 2018 pawh a ral leh tep ta mai a. Vawiin thlenga hna thawh kal mek kan en hian kumin chhungin an siam zo hman lo mai ang tih a hlauhawm leh ta hle ani. He kawng hi Aizawl chhim lam chak lakna leh kawngpui pawimawh ber ani a, tin Lunglei leh Serchhip tlangdung pawhtu kawng rinpui ber niin, hemi chhehvela cheng sumdawng leh inipuite pawhin nasa takin he harsatna thleng hi an mar a, kum chanve chuang kaltlang fheih miah lova a awm ta mai hi MNF thalaite chuan pawi kan tiin thu neitute inthlandah vanga hna muangah kan ngai nghet tlat ani. He lei dawh hna kal mek hi arang thei ang bera dawh zawh anih theihnan chak zawka hmala turin thuneitute kan phut hawk.

PWD Minister Lal Thanzara hian a department chanihi, a enkawl zo thlawt lovah MNF thalaite chuan kan ngai a, Minister anihna hi a bansan ngamlo anih pawhin an Sawrkar hun chhung thla hnihkhat lek la awmah hian a rem hre zawk.midangte kuta PWD hi hlan ngam mai turin kan phut bawk ani. Company thenkhata MLA nichimga dan phaloh share iieia alan (Office of profit) avanga MLA leh a chanvo chelh atanga mualpho taka a ban tawh hnuin, a U Chief Minister Lal Thanhawla duhsakna dawngin department Tian ber pawl PWD a enkawl hnuah vawi tamtak he department hi Zoram mipui mit hmuhah a hmingchhiat pui a, lei vawi tamtak an dawh chim a, nunna hlu tak chan hial to pawh an awm ani. Mizoramah inkalpawhna kawngpui a chhe em em vek a, ram mipuite hreawm taka kan awm laiinan an unauin Zoram mipuite tawngkam mawilo tak tak hmangin min.tawng a. Kan tawrhna hi a nasa kan ti hle. Kum 2017 - 2018 fiancial year chhunga kawngpui chhe thawmthatna tur (Road maintenance fund) Mizoram Sawrkarin cheng nuai sangkua, zaruk leh paruk (9,60649/-) a neih zingah kawngpui a chhiat em avanga hmanzawh veka, sum dil belh zel awmtak anih laiin cheng nuai sangkhat, zanga sawmsarih (1570.47/) lai hman ban pui theitu kan PWD Minister hian engtikah mah Mizote hi kawngtha min pek theih kan ringzo tawh lova, Mizoramin PWD Minister kan to neih tawh zawngzawngzingah Minister a ngaihna hrelo ber ' ah MNF thalaite chuan kan puang ani. 

Issued by Mizo National Youth Front ( MNYF) Headquarters, Aizawl