Aizawl | September 14, 2018: Mizoram Home minister Pu R Lalzirliana chuan vawiin September 14 khan Cabinet minister atanga banna a theh lut.
Pu Zira chuan a lehkha thehluh leh banna a thehluh hmaa a thusawi ah chuan, Saitual district pe tura kum 2013 inthlan dawna Chief minister Lal Thanhawla ngeiin a lo intiam tawh, tun thlenga tihhlawhtlin a la nih loh vanga banna hi thehlut niin a sawi.
Pu R Lalzirliana chuan Chanchinthar thehdarhtute', Congress party an sawrkar leh a rin leh rinloh chungchang an zawhna chhangin, " Tun anga hmangaihna a daite anih chuan Sawrkar leh a har viau ang, " a ti.
Inthlan lo awm turah din a tum leh kum loh zawhna chu, Upa lutuk a la ni lova, MLA ah erawh din nawn leh a tum thu sawiin, 'Saitual District' puang ngei tura intiam thei Party ticket a din a tum thu a sawi a, Independent chuan a din a rin loh thu a sawi bawk.
-----------------------------------------------------------------------------------
To
The Hon'ble Chief Minister
Govt. of Mizoram
Pu Zahawm tak,
Ram leh hnam rawngbawIna atan ka
theih ang tawka thawk leh inhmangin ka bial 9-Tawi Assembly Constituency-ah
pawh term Ii zet mipuite'n min lo thlang tling ve ta a. I mi duhsakna changin
Cabinet Minister hialah min dah avangin i chungah ka lawm hle a ni. Hetianga ka
phu loh chawimawina ka dawn avang hian Pathian leh bial mipui te chungah pawh
ka lawm hle a ni.
Amaherawhchu, kan bial mipuite'n
hun rei tak atanga an la beih tawh leh an duh ber pakhat District Headquarters
chu pe in kan function tir thei ta lo a. Hei hi an duh leh mamawh zia kawng chi
hrang hrangin an entir tawh a. He District Headquarters siamna hi sawrkar pawhin
Notification meuh siama a lo pek diam tawh a ni a. Chu chu keinin kum sawm zet
kan Sawrkar chhung hian kan function tir thei ta lo a. Kan sawrkar budget tam
tawh dan en in awlsam te a function tir theih a nih pawh a lang reng a; nangmah
ngei pawhin ka bial mipuite hmaah "Sawrkarna
kan neih leh hunah Saitual bial atangin Development tan a ni ang" tih
leh "MNF ten fuke kim lo District
an pe che u a, keini chuan fuke kim District kan pe ang che u"- i tih
lai te kha kan bengah rimawi tak a la ni reng a; mahse tun thlengin thu chu
tisa ah chantir a ni thei ta chuang lo a ni.
Hetiang boruak hnuaiah chuan
nihna pawimawh tak chelh chunga he sawrkara thut ve reng hi tih chi niin ka hre
to lo va. Min thlangtu ka bial mipui to pawh an zahawm to lutuk a. Chuvangin Cabinet Minister ka nihna hi vawiin ni 14. Sept 2018 (Zirtawpni) hian ka
bansan to tih ka rawn hriattir che a ni. Thil tih hrehawm tak ni mah se: ti lo
thei lo dinhmuna ka din tak si avangin i mi hriatthiamna pawh ka rawn ngen
nghal bawk e. Party-ah erawh chuan lungrual taka kan thawh ho zel theih ka
beisei.
Ram tana i
thawhpui,
(R.LALZIRLIANA)
Pu
Lal Thanhawla
Hon'ble
Chief
Minister
Govt. of Mizoram
No comments:
Thanks for your comment.