All NGO & All Political Parties Mamit buatsaihin Mamit DC Bhupesh Chaudhary duhlohna kawng zawhh neih ani.
Kawng zawh hi Pu K.Lalthanzama Vice President Sub Hqtrs YMA Mamit chuan kaihruaiin pawl hrang hrang aiawhten thu an sawi a. Kalkhawmte chuan DC
chu mizote hmusittu leh Election Document venghim zolovah puhin, document bo chungchangah CYMA hruaitute, MZP, MSU, SubHeadquarters YMA
hruaitute, Taitesena Group YMA hruaitute leh Langkaih Group YMA hruaitu te man tura thupek chhuah a ni chu an dem takzet thu an aurualpui a. Hetiang
a thupek chhuahtu DC chu Mizorama a awm reng an remtih loh thu an sawi bawk a ni.
Kawngzawh ah hian pawl hrang hrang aiawh kalkhawmte chuan- Mizoram sorkar leh ALL NGO, Mizoram te duhdan kalh a Tripura a awm Tuikuk te Electoral Roll a, a ruk a rala thun luih a tum an duhloh thu te, Mizoram MLA General Election 2018 lo awm turah Mizoram pawnah Tuikuk ten engti kawng
mahin Vote an thlak an remtihloh thu te, Mizo mipuite leh tlawmngai Pawlte hmusit leh diriam taka tawngkhum a, man atan a vau thintu DC an duhloh thu bakah, DC Bhupesh Chaudhury kaihhruaina hnuaiah MLA Election thianghlim leh felfai a awm theih an rinloh thu leh DC chu september ni 10 hma a Mamit
atanga sawnchhuak tur a an duh thu te, resolution siamin an pawm a ni.
Mamit | September 5, 2018: Vawiin khan All NGO Co-Ordination Committee huaihawtin Mamit district DC Bhupesh Chaudhury I.A.S duh lohna lantirna kawng zawh a ni.
Resolution:
1. Mizoram Sawrkar leh All NGO, Mizoram te duhdan kalh a Tripura a awm Tuikukte Electoral Roll a, a ruk a rala thun luih a tum hi kan duh lo
2. Mizoram MLA General Election - 2018 lo awm turah hian Mizoram pawnah Tuikuk ten engtikawng mahin Vote an thlak kan remti lo
3. Mizo mipuite leh tlawmngai Pawlte hmusit leh diriam taka tawng khuma, man atana vau DC hi kan duh lo.
4. Pu Bhupesh Chaudhury I.A.S, Deputy Commissioner, Mamit kaihhruaina hnuaiah M.L.A Election thianghlim leh felfai a awm theih kan ring lo
5. Pu Bhupesh Chaudhury, I.A.S Mamit D.0 hi Sawrkar in September ni 10, 2018 tuna ngeiin Mamit atangin sawn chhuak rawh se.
Dated : Mamit, the 5th September - 201
Issued by All NGO's and All Political Parties : Mamit District, Mamit Mizoram
He hunah hian Pu vanlalruata CYMA President, H.Lalthianghlima Asst General Secretary MZP leh .T.Ngenkhansut MSU Treasurer ten thu an sawi bawk
No comments:
Thanks for your comment.