Social Media (Instagram) atanga BBC-in an hmelhriat leh Cancer natna in a hneh loh, Adeline Zothanpuii Pachuau (@Adeline Pach) hi Hongkong-a hmunpui nei TikTok! (musical.ly)-a a Video siam Sec 15 a sei a dah (post) chu screening neih a nih hnu ah a hlawhtlinna pholang tur hian puanchhuah a ni a. Instagram hmang thin leh hlawhtling mi engemawzatah zirchianna (research) an neih hnu in hetiang dinhmun hi a thleng ta a ni.
Adeline Pachuau hi kum 2017 khan Social Media (Instagram)-a zuitu (followers) nei tha te (nei tam ni lovin) intawh khawm, ‘Meet and Greet-2017’-ah sawm a nih angin Mumbai, Bangalore leh Kolkotta-ah a lo tel tawh a. Kolkatta-ah hian ‘Mizo Traditional Music’ a show chuan mite ngaihven a hlawh hle a, The Telegraph Dt.22.11.2017 chhuakah tarlan a ni nghe nghe. Kum 2018 September thla a neih leh tur ‘Social Media Influencers Meet-2018’ (SMI) Kolkotta-ah a tel leh ang.
Adeline Zothanpuii Pachuau hian ama irawm chhuakin leh a Mobile Handset chauh hmangin Video 300 chuang zet (15 Sec. te te) a siam tawh a. Khawvel hmun hrang hranga thilsiamtu Company ten an thil siam fakna an siam tir bakah, zaithiamte’n an hla tihlar nan Video siam tirin an ruai mek zel a ni.
– Rothuama Sailo.
No comments:
Thanks for your comment.