TASSEL MODEL HUNT WINNER - C. LALLAWMZUALI

August 20, 2018 :  Miss Mizoram 2018, 1st Runner Up C. Lallawmzuali chu Mumbai khawpuia neih Tassel Model Hunt-ah pakhatna a ni.

Tassel Model Hunt hi August 17 khan Mumbai khawpuiah neih a ni a, model rual 21 zingah Lawmi chhing zo an awm lo. Lawmi hian model contract lian tham tak a hmu dawn a, tunkar hian tihfel hman beisei a ni. 

Tassel Model Hunt-a tel tur thlanna hi Andheri West, Mumbai-ah neih a lo ni tawh a, Lawmi hian audition round li a paltlang hnuah  final hi a lut a ni. Audition-ah hian model 80 vel an tel a, a ṭhazual 21 thlanchhuah an ni. Lawmi hi top 5-ah a lang phak a, final-ah pawh endiktute mit a tlung ber a ni. 

Mumbai khawpuiah hian Tassel Fashion and Lifestyle Awards 2018 sem a ni a, he hunah hian Tassel Model Hunt hi buatsaih a ni. He event hi International Institute of Fashion Design (INIFD) leh India rama chanchinbu lar Hindustan Times ṭangkawpin an buatsaih a ni. - Vanglaini