August 20, 2018-a Tuiruang lui lawng chesuala Sakawrdai khaw mi pali thi chhungte chhawmdawlna turin Hmar Students' Association (HSA) joint headquarters - Aizawl, Kolasib leh Sinlung Hills tangkawp chuan September 1, 2018 khan Aizawlah mobile charity concert an huaihawt a, Rs. 1,87,132 an hmu chhuak.
HSA chuan, Aizawla mobile charity concert an buatsaihnate chu - Mission Veng Bazar, Khatla kâwn, Tennis Court leh Vaivakawn-te a nih thu an sawi a; mipuiin sum an thawh khawm Rs. 1,87,132 chu September 5-ah Sakawrdai Joint YMA hnenah hlan an tum thu an tarlang.
HSA chuan, chhiat tâwkte ṭanpui nana pawl leh mimal, sum thawhtu zawng zawng chungah lawmthu an sawi a; mobile charity concert neih phalna petu Aizawl DC, Aizawl SP leh Trafic SP-te leh, concert an neihna Mission Veng, Khatla leh Vaivakawn khawtlang hruaitute chungah an lawm tak zet tih an tarlang bawk.
Heng bakah hian HSA chuan zaithiam, an tha leh zung leh an aw te ui lova tanpui ngaite tana inpete chungah lawmthu an sawi bawk ani.
No comments:
Thanks for your comment.