tleirawl.in | 30 June 2018:
Mipui tawrhna a nasa lutuk tawh a, chiang takin Congress hi an tla dawn: Dr R Lalthangliana
Nimin, 29 June 2018 khan Mizo Hnam Run, Lungleiah MNF Sub-Headquarters Lunglei buatsaihin mithar lawmluhna hun hman a ni. He hunah hian Party hrang hrang aṭangin voter 21 MNF-ah lawmluh an ni. Lawmluh zingah hian Pu Chawngthanmawia, Lunglei ZNP President hlui leh Pu Lalmuanpuia, General Secretary Lunglei BJP te an tel a ni.
He inkhawmah hian Dr R Lalthangliana, vice president, MNF chuan thusawiin, Congress sorkar hnuaiah kawng hrang hrangin mipuiten kan tuar nasa hle tih sawiin Congress chu a tla dawn tih a sawi a. "An zu zawrh avangin tam tak an thi a, hmeithai leh fahrah tam tak an awm belh a. NLUP an sem avangin sum an indaih lo nasa em em a, sum a awm loh avangin sorkar hnathawk tam takin hnathawh tur an nei lo a. He sorkarah hian hmasawnna hnathawh ṭhan a thu hle a ni," a ti.
MNF vice president chuan inthlan lo awm turah Zoram boruak thlirin Congress MLA tla tur an tam hle nia a lan thu a sawi a. "India ram hmun hrang hranga an tla ang hian Mizoramah pawh an tla ve dawn a ni. Mipuiin an ning tawh takzet a ni," a ti bawk.
Pu Vanlalzawma MLA, Treasurer pawhin thusawiin, MNF zawm thar Zoram hmun hrang hrangah an tam hle tih sawiin, "MNF rawn zawm tharte hian hmuh an nei tih a chiang a, MNF hma a eng hle a ni," a ti a. Pu Zawma chuan, MNF beih vang ni hauh lovin Congress chu a mualpho mek zel tih a sawi a. "NLUP hlawmchham thu CAG Report-ah ziah lan kulh a ni a, Zo Carbon Truck thlawk thei te, Minister pahnih ban thu te, Pu Hawla Kolkata In chungchangte kan hria a. Kawngchhia leh thil dang tam tak thlirin mipuiin Congress-ah rinna a nghat tawh lo tih a chiangin ka hria," a ti bawk.
Lalruatkima MLA pawhin thusawiin Congress sorkar hnuaiah Ram leh hnam leh sakhua a him lo hle tih a sawi a. "Sorkar Policy avangin pavalai tam tak an thi a, hmeithai leh fahrah an pung nasa hle a ni," a ti. Pu Ruatkima chuan Zoram awm dan thlirin Mizoramah MNF a sorkar a ṭul takzet tih a sawi bawk.
He hun hi Pu Lawmawma Tochhawng, President Sub - Hqrs. MNF-in a kaihruai a ni.
Mipui tawrhna a nasa lutuk tawh a, chiang takin Congress hi an tla dawn: Dr R Lalthangliana
Nimin, 29 June 2018 khan Mizo Hnam Run, Lungleiah MNF Sub-Headquarters Lunglei buatsaihin mithar lawmluhna hun hman a ni. He hunah hian Party hrang hrang aṭangin voter 21 MNF-ah lawmluh an ni. Lawmluh zingah hian Pu Chawngthanmawia, Lunglei ZNP President hlui leh Pu Lalmuanpuia, General Secretary Lunglei BJP te an tel a ni.
He inkhawmah hian Dr R Lalthangliana, vice president, MNF chuan thusawiin, Congress sorkar hnuaiah kawng hrang hrangin mipuiten kan tuar nasa hle tih sawiin Congress chu a tla dawn tih a sawi a. "An zu zawrh avangin tam tak an thi a, hmeithai leh fahrah tam tak an awm belh a. NLUP an sem avangin sum an indaih lo nasa em em a, sum a awm loh avangin sorkar hnathawk tam takin hnathawh tur an nei lo a. He sorkarah hian hmasawnna hnathawh ṭhan a thu hle a ni," a ti.
MNF vice president chuan inthlan lo awm turah Zoram boruak thlirin Congress MLA tla tur an tam hle nia a lan thu a sawi a. "India ram hmun hrang hranga an tla ang hian Mizoramah pawh an tla ve dawn a ni. Mipuiin an ning tawh takzet a ni," a ti bawk.
Pu Vanlalzawma MLA, Treasurer pawhin thusawiin, MNF zawm thar Zoram hmun hrang hrangah an tam hle tih sawiin, "MNF rawn zawm tharte hian hmuh an nei tih a chiang a, MNF hma a eng hle a ni," a ti a. Pu Zawma chuan, MNF beih vang ni hauh lovin Congress chu a mualpho mek zel tih a sawi a. "NLUP hlawmchham thu CAG Report-ah ziah lan kulh a ni a, Zo Carbon Truck thlawk thei te, Minister pahnih ban thu te, Pu Hawla Kolkata In chungchangte kan hria a. Kawngchhia leh thil dang tam tak thlirin mipuiin Congress-ah rinna a nghat tawh lo tih a chiangin ka hria," a ti bawk.
He hun hi Pu Lawmawma Tochhawng, President Sub - Hqrs. MNF-in a kaihruai a ni.
No comments:
Thanks for your comment.