Pu Lungtilenga Varte,
President, MZP Sub Headquarters Kawnpui
An vawiin hun, kan nakin hun atana hlantute chuan mual min lo liamsan zo tawh a. Beiseina zawng zawng a bo tawh hnu pawha, kan vawiin nun zalen taka kan hman theihna tura inpe te a zarah; Remna Ni vawi 32-na a lo thlen hian - Pu Chairman leh kan resource person Nl Lalrinpuii Rengsi leh Pu Ngurthansanga Sailo te, dept. hrang hranga kan officer leh kan khawtlang hruaitu kan VC member zawng zawng te, NGO hrang hranga kan hruaitute, zirlaite, nu leh pate leh he Remna Ni Vawi 32-na hmang tura lo kal khawtlang mipui zawng zawngte, in zavaiin MZP Sub Headquarters Kawnpui hmingin REMNA CHIBAI ka buk a che u.
Remna Ni Organised chhan
MZP Rorelna sang (Federal Council) chuan, 'Kumin hian Mizoram pumah Remna Ni hi rualkhai zâwka hman a nih theih nan MZP ten organise ni rawh se' tia a lo rel angin, vawiinah hian Remna Ni vawi 32-na hi Aizawl bâkah Mizoram hmun hrang hrang -
(1) Lunglei (2) Tlabung (3) Hnahthial (4) Serchhip (5) Biate (6) E. Lungdar (7) Khawzawl (8) Saitual (9) Sairang (10) Kolasib (11) Zawlnuam (12) Bairabi (13) Vairengte leh (14) Kawnpui ah te MZP Organised-in hman a ni a..
'MZP Changrel a sual ngailo' titu Lal Awithangpa kha Kawnpui tlangval leh Hmarlutvunga a nih chhung chuan, keini MZP Sub Headquarters Kawnpui te chuan he Remna Ni Vawi 32-na kan Organised hi kan tisual lo turah kan ngai.
Remna Ni-ah hian advantage lâk a thiang lo
Hetih rual hian kan resource person zinga pakhat, Kan MZP President hlui leh Adviser pawh lo ni tawh țhin, T. Romana College Principal hlui ni bawk Pu K. Biakthianghlima chuan damlohna avanga a chanvo a rawn hlen thei lo tur hi pawi kan ti a. Chutih rualin kan resource person dang pahnihte pawn țha taka hun an rawn hman theih nan duhsakna ka hlan bawk e. Amaherawhchu, kan resource person leh NGO aiawha thu la sawi turte hnenah pawh ka chah duh chu, 'He Remna Ni hi party mal emaw, mimal ang emawa advantage laa thuchah sawina hun a ni lo' tih hi a ni. Party bil anga hamțhat lo tum in awm a nih chuan he hunah hian rawn tello ngam turin ka chah duh che u. Remna hi Mizo zawng zawng ta, Mizote tan a ni tih hria a, mitinte inrema awm turin ka chah duh che u a ni.
MZP din țan dan
MZP hi kum 1935 October ni 27 a din țan a ni a. Amaherawhchu, kum 1924 October thla khan Lushai Students' Association (Mizo Zirlai Pawl) din a ni tih Mizo leh Vai Chanchinbu (Mizo Zirlai Pawl) chhuakah kan hmu thung. Indopui II na avangin MZP chu kum 5 lai a chawl a, chumi hnuah tluang taka a kal chhoh leh hnuin _Ram buai_ avangin MZP chu namen lovin a lo chaklo chho leh ta a ni. Kum 1970 khan Mizo Zirlai Pawl Dan pumpui chu ennawnna neih a ni a. Chu dan siam danglamah chuan Mizoram pawnah Joint Headquarters leh Mizoram chhungah Sub-Headquarters siam/din theihna dan siam a ni ta a. Tichuan, Joint Headquarters chu Shillong (Meghalaya) ah leh Churachandpur (Manipur) ah din a ni a. Sub Headquarters chu Biate (Aizawl District) ah leh Kawnpui (Aizawl District) ah hawn a ni bawk. Mizorama MZP Sub Headquarters dinna hmasa ber chu Biate leh Kawnpui hi a ni.
Remna Hlutna
Remna hlutzia hi țhangtharte hian kan hre tâwk lo fo niin a lang. Ram buai laia Mizote tawrhna nasatzia hre ve pha lo (keini ang rual) tan chuan _Remna Ni Lawm_ tih pawh hian awmzia a nei thui lo viau thei awm e.
Kan țhenawm State ralmuan lohzia te, Democracy ke penna kawnga Myanmar rama sipai rorelna avanga mipui hrehawm tawrh zozaite hrechiangtu tan chuan _Remna Hlutzia_ hi a chiangin 'Remna Ni' pawh hian awmzia a nei deuh ngei ang.
Remna Ni hian rah țha chhuah rawh se
Remna Ni hi Mizote tan hian a hlu a, lawm a phu a, hriat reng tlâk a ni. He remna hian țhenawmte nena kan innghirho țhinnate țhiat sela, kohhran anga kan inen hranna țhiat sela, party politics thlichhia hi chhem kiang sela, hausa leh rethei inkar pawh hi țhiat rawh se.
He kan ram zimtê hi, Chinghnia leh Beramno awm dunna, Bawngpa leh Sakeibaknei te an tlat zana leh, naute hnute hne lai chena rulrial kaw kotlanga an tualchaina hmunah i chantir ang u.
Hun kal tawhah chuan tih dik loh palhte pawh kan lo nei a ni thei e. Engpawhnise, chung chu theihnghilhin Remna Ni Vawi 32-na lo thleng hian Zofate min tipumkhat lehzual sela, kan khawtlang hi nghet zâwkin min phuarkhawm sela, kan hliam hluite chu dam rawh se. Kan hmalam thlirin hmasawnna ke pen ila, he Remna Ni kan hman ațang hian Mizo zawng zawngte chu inpumkhatin i inrem zel ang u.
Mizo hnam ropui ber rawh se.
Ka lawm e.
(He thu hi Remni Ni lawmna, 30 June 2018 , Kawnpuia hmannaa Pu Lungtilenga Varte thuchah sawi a ni e. )
President, MZP Sub Headquarters Kawnpui
An vawiin hun, kan nakin hun atana hlantute chuan mual min lo liamsan zo tawh a. Beiseina zawng zawng a bo tawh hnu pawha, kan vawiin nun zalen taka kan hman theihna tura inpe te a zarah; Remna Ni vawi 32-na a lo thlen hian - Pu Chairman leh kan resource person Nl Lalrinpuii Rengsi leh Pu Ngurthansanga Sailo te, dept. hrang hranga kan officer leh kan khawtlang hruaitu kan VC member zawng zawng te, NGO hrang hranga kan hruaitute, zirlaite, nu leh pate leh he Remna Ni Vawi 32-na hmang tura lo kal khawtlang mipui zawng zawngte, in zavaiin MZP Sub Headquarters Kawnpui hmingin REMNA CHIBAI ka buk a che u.
Remna Ni Organised chhan
MZP Rorelna sang (Federal Council) chuan, 'Kumin hian Mizoram pumah Remna Ni hi rualkhai zâwka hman a nih theih nan MZP ten organise ni rawh se' tia a lo rel angin, vawiinah hian Remna Ni vawi 32-na hi Aizawl bâkah Mizoram hmun hrang hrang -
(1) Lunglei (2) Tlabung (3) Hnahthial (4) Serchhip (5) Biate (6) E. Lungdar (7) Khawzawl (8) Saitual (9) Sairang (10) Kolasib (11) Zawlnuam (12) Bairabi (13) Vairengte leh (14) Kawnpui ah te MZP Organised-in hman a ni a..
'MZP Changrel a sual ngailo' titu Lal Awithangpa kha Kawnpui tlangval leh Hmarlutvunga a nih chhung chuan, keini MZP Sub Headquarters Kawnpui te chuan he Remna Ni Vawi 32-na kan Organised hi kan tisual lo turah kan ngai.
Remna Ni-ah hian advantage lâk a thiang lo
Hetih rual hian kan resource person zinga pakhat, Kan MZP President hlui leh Adviser pawh lo ni tawh țhin, T. Romana College Principal hlui ni bawk Pu K. Biakthianghlima chuan damlohna avanga a chanvo a rawn hlen thei lo tur hi pawi kan ti a. Chutih rualin kan resource person dang pahnihte pawn țha taka hun an rawn hman theih nan duhsakna ka hlan bawk e. Amaherawhchu, kan resource person leh NGO aiawha thu la sawi turte hnenah pawh ka chah duh chu, 'He Remna Ni hi party mal emaw, mimal ang emawa advantage laa thuchah sawina hun a ni lo' tih hi a ni. Party bil anga hamțhat lo tum in awm a nih chuan he hunah hian rawn tello ngam turin ka chah duh che u. Remna hi Mizo zawng zawng ta, Mizote tan a ni tih hria a, mitinte inrema awm turin ka chah duh che u a ni.
MZP din țan dan
MZP hi kum 1935 October ni 27 a din țan a ni a. Amaherawhchu, kum 1924 October thla khan Lushai Students' Association (Mizo Zirlai Pawl) din a ni tih Mizo leh Vai Chanchinbu (Mizo Zirlai Pawl) chhuakah kan hmu thung. Indopui II na avangin MZP chu kum 5 lai a chawl a, chumi hnuah tluang taka a kal chhoh leh hnuin _Ram buai_ avangin MZP chu namen lovin a lo chaklo chho leh ta a ni. Kum 1970 khan Mizo Zirlai Pawl Dan pumpui chu ennawnna neih a ni a. Chu dan siam danglamah chuan Mizoram pawnah Joint Headquarters leh Mizoram chhungah Sub-Headquarters siam/din theihna dan siam a ni ta a. Tichuan, Joint Headquarters chu Shillong (Meghalaya) ah leh Churachandpur (Manipur) ah din a ni a. Sub Headquarters chu Biate (Aizawl District) ah leh Kawnpui (Aizawl District) ah hawn a ni bawk. Mizorama MZP Sub Headquarters dinna hmasa ber chu Biate leh Kawnpui hi a ni.
Remna Hlutna
Remna hlutzia hi țhangtharte hian kan hre tâwk lo fo niin a lang. Ram buai laia Mizote tawrhna nasatzia hre ve pha lo (keini ang rual) tan chuan _Remna Ni Lawm_ tih pawh hian awmzia a nei thui lo viau thei awm e.
Kan țhenawm State ralmuan lohzia te, Democracy ke penna kawnga Myanmar rama sipai rorelna avanga mipui hrehawm tawrh zozaite hrechiangtu tan chuan _Remna Hlutzia_ hi a chiangin 'Remna Ni' pawh hian awmzia a nei deuh ngei ang.
Remna Ni hian rah țha chhuah rawh se
Remna Ni hi Mizote tan hian a hlu a, lawm a phu a, hriat reng tlâk a ni. He remna hian țhenawmte nena kan innghirho țhinnate țhiat sela, kohhran anga kan inen hranna țhiat sela, party politics thlichhia hi chhem kiang sela, hausa leh rethei inkar pawh hi țhiat rawh se.
He kan ram zimtê hi, Chinghnia leh Beramno awm dunna, Bawngpa leh Sakeibaknei te an tlat zana leh, naute hnute hne lai chena rulrial kaw kotlanga an tualchaina hmunah i chantir ang u.
Hun kal tawhah chuan tih dik loh palhte pawh kan lo nei a ni thei e. Engpawhnise, chung chu theihnghilhin Remna Ni Vawi 32-na lo thleng hian Zofate min tipumkhat lehzual sela, kan khawtlang hi nghet zâwkin min phuarkhawm sela, kan hliam hluite chu dam rawh se. Kan hmalam thlirin hmasawnna ke pen ila, he Remna Ni kan hman ațang hian Mizo zawng zawngte chu inpumkhatin i inrem zel ang u.
Mizo hnam ropui ber rawh se.
Ka lawm e.
(He thu hi Remni Ni lawmna, 30 June 2018 , Kawnpuia hmannaa Pu Lungtilenga Varte thuchah sawi a ni e. )
No comments:
Thanks for your comment.