tleirawl.in|12 June 2018: Vawiin 12th June,2018 chawhma dar 10:30 khan MZP Sub-Headquarters Bairabi chuan Bairabi khawchhunga zirlai titha chawimawina hun an hmang a. Pu P.C Zoramsangliana MLA chuan khuallian niin a hmanpui a, Pu H. Lalbiakmawia, Chairman Bairabi Welfare Aizawl chu khualzahawm niin, MZP General Headquarters Aizawl atangin Asst General Secretary H. Lalthianghlima leh hruaitu dang ten an hmanpui bawk a, Kolasib Headquartes President, Finance leh hruaitu dangten an hmanpui bawk a ni.
He huna khuallian Pu P.C Zoramsangliana MLA chuan thusawi in, "Pawl 10 leh 12 kan nih hun lai hi tan lak kan ngaih hunlai tak a ni a, zirlai kan nih lai hian insum theihna kan neih a ngai a, thlemna sual kan tawk vek dawn a ruihtheih thil laka te kan fihlim a ngai a ni. Zirlaiten nu leh pa te leh zirtirtu te thu kan awi tur a ni a, nu leh pa leh zirtirtu thu kan awi hian malsawmna kan dawng dawn a ni. Tin, mahni inchawm thei ngei turin leh hnathawh hreh neilo turin zirlai te a fuih bawk a, Mahni ke a inchawmtheih tum rawh u a ti.
Khuallian chuan, Zirlaite hian khawtlang leh kan ram leh hnam tan kan thiamna te hi hmang ila, ram leh hnam humhalhna pawimawh ber pakhat chu education hi a ni, hmantlak leh chhawrthlak nih tur a ni. Kan Ram in mithiam Kan nei tlem a Central Service a in ziak tling thei tur in zirlai te a fuih bakah Zirlai te hi kan Ram nghahfak in ni"a ti bawk. Khualian hian Bairabi YMA North Branch leh Bairabi YMA South Branch Chair za (100) ve ve a pe bawk.
Ricky Zorinsanga, President MZP Sub-Headquarters Bairabi pawhin thusawiin, kuminah Zirlai titha chawimawina dawng thei mi 32 lai kan nei hi Bairabi tan chuan hmasawnna ropui tak a ni tiin, chhawrtlak leh Bairabi khua ti hmingthatu ni zel thei turin zirlaite fuihna thuchah a sawi a. He programme hmanpui tura sawm te lokal zawng zawng chungah MZP Sub-Headquarters Bairabi hmingin lawmthu a sawi bawk
He huna thusawitu dang H.Lalthianghlima Asst General Secretary MZP General Headquarters chuan, "Zirlai titha te MZP in kan chawimawi chhan Mizo zirlaite ah inelna thianghlim awm se kan duh a, kan thenawm hnamdang el pha turin zirna hi uar ila kan duh a ni. Class 10 leh class 12 result kan en chuan zirtirtu hlawh tam zawk sorkar enkawl school aia zirtirtu hlawh tlem zawk private school ten result an nei tha zawk ziah mai hi mak ka ti a. Sorkar enkawl school a zirtirtu ten inenfiah kan ngai a ni. Sorkar enkawl school a zirtirtu in thlau lutuk hi semrual a nih theih nan MZP chuan hmalak kan tum a, Thingtlang lama zirtirtu an indaih loh em em laiin khawpui lam Aizawl ah chuan zirlai 15 awmna ah zirtirtu 9 te an awm a a inkhairual lo lutuk a zirtirtu semrual a nih theih nan MZP chuan hma kan la dawn a ni.MZP chu ram leh hnam leh zirlai ten min mamawh na apiangah kan pen chhuak zel dawn a, kan ram tan hian theihtawp chhuah in hma kan la zel dawn a ni. Tin, Mizo thalai te Social Media hman kawngah kan fimkhur angai a, atha zawng a kan hman loh chuan kan chhiatphahin kan nun leh zirna hian a tuar dawn a, kan ram pawhin a tuarphah dawn a ni" a ti bawk.
He hun ah hian, Resources Person Pu H.Lalbiakmawia, Chairman Bairabi welfare Aizawl, Zosangliana Rokhum President MZP Headquarters Kolosib leh Teachers Union leh Joint V. C ten thu an sawi bawk.
MZP Sub-Headquarters Bairabi chuan, Group YMA,Joint YMA, South Branch YMA leh North Branch YMA, hnenah Silpaulin an pe bawk a ni.
No comments:
Thanks for your comment.