Khuallian, Pu PC Zoram Sangliana, Khualzahawm Pu S. Lalrinawma, MZP hruaitute leh Zirlai Chawimawite |
tleirawl.in | 02 June 2018: Mizo Zirlai Pawl Headquarters Kolasib chuan 1.6.2018 khan HSLC leh HSSLC a Mizo zirlai titha te chawimawina hun chu Parish Hall ah hman a ni a,Pu PC Zoramsangliana MLA Kolasib Constituency chu khuallian niin Pu S.Lalrinawma Ex Vice President MZP General Headquarters Aizawl chu khualzahawm a ni bawk a ni.
MZP Hqr. Kolasib Hruaitute |
He chawimawina hun hi Lalmawizuala Vice President MZP Hqrs Kolasib chuan kaihruaiin Lalduhawmi ECM chuan hunserh a hman hnuah Zosangliana Rokhum President MZP Hqrs Kolasib chuan thusawina hun neiin Kolasib a zirlai ti tha te chu a chhuan thu leh lawmpui thu a sawi a ,zirlai titha te hnenah chawimawina mai bakah top 10 a lang an awm anih chuan sum faia tanpuina pek chhunzawm zel an nih dawn thu a sawi a ni. Tin, zirlai te chu an thil tum ah chiang turin leh an hlawhtlin ngei theih na tur in duhsakna a hlan a ni.
He huna khuallian Pu PC Zoramsangliana chuan thusawiin zirlai te fuihna thu tha tak tak a sawi bakah MZP chu zirlai pawl anih ang ngeiin kan zirlai pui te harsatna hriatthiam pui tur leh a tul anga kan tanpui theih na lai ah chuan a rang thei ang bera tanpui zel turin a chah a zirna ngaih pawimawh a tul zia leh ram leh hnam chhan nan a pawimawh ber thu a sawi bawk a ni.
He zirlai titha chawimawina hunah hian HSLC a Mizoram puma sawmna(10 rank) Ruthi Malsawmzuali d/H.Pachhunga hnenah lawmpuina certificate leh scholarship Rs 12000/- a hlan a,hei hi class 12 a nih hunah pawh pek leh tur a ni.HSLC ah hian distinction a passed chin mi 12 (sawm pahnih) hnenah chawimawina citation hlan an ni bawk.HSSLC lamah pawh first division a passed chin hi Science ah mi 15 (sawm panga) leh Arts ah mi 37 (sawmthum pasarih) an za vaiin mi 64 (sawmruk leh pali) te hnenah chawimawina citation hlan an ni bawk a ni.
He programme ah hian khuallian bakah Pu S.Lalrinawma khualzahawm leh Pu B.Vanlaltana Vice President MZP General Headquarters Aizawl leh PuC.Zomuanpuia Adviser MZP Headquarters Kolasib hnen atangin thusawi tha tak ngaihthlak a ni a,programme kar lakah zaithiam tak tak zai te ngaihthlak ani a ,RM Lallianzama Fin.Secretary MZP Headquarters Kolasib chuan lawmthu sawina neiin he programmme hi a ti tawp a ni.
Source : PR by C Lalruatdika, Secretary, MZP Hq, Kolasib
No comments:
Thanks for your comment.