tleirawl.in | 15 June 2018 : Vawiin 15 June 2018, Zirtawpni chhun dar 1:00 khan Mizo Zirlai Pawl, Headquarters, Kolasib chuan School Of Nuring, Thingdawl hnenah thilpek an hlan.
Hlanna inkhawm tawi SONT Dining Halla neih chu Pu Lalmawizuala, Vice President-in a kaihruai a, Pu C Lalruatdika, Secretary in inhmelhriattirna a neih zawhin, Pu Zosangliana Rokhum, President-in thuchah sawiin, Thilpek , Water Filter 3 a hlan a. Pu Zosangliana Rokhum chuan, "Nursing School tana kan theih tawk tlemte kan ti hi a tawpna ni lovin a inṭanna chauh a ni," a ti a. Waiting Shed saksak an tum thu pawh a sawi nghal bawk a ni. Pi Lalṭanpuii, Principal chuan SONT din dan leh a nihphung sawiin lawmthu a sawi a. 2nd Batch Zirlai la tura hma lak mek a nih thu sawiin, dik leh felfai taka lak an tum thu a sawi bawk.
He hunah hian MZP Hqrs Kolasib te hi
MZP Sub-Hqrs, Thingdawl te pawhin an President, Pu V Lalchungnunga hovin an ṭawiawm bawk.
He hunah hian SONT Zirlaite aṭangin zai ngaihthlak a ni a. SNA (Students' Nurse Association) aṭangin thusawi tawi leh lawmthu sawina ngaithlak a ni bawk.
Tun dinhmunah, SONT ah hian Zirlai 20 an awm a, Principal bakah hian Zirtirtu mi 5 an awm a, heng bakah hian thawktu mi 4 an awm bawk a ni.
SONT hi October 2017 khan India Nursing Council chuan pawmin, 16 Dec 2017 khan Admission ṭan a ni a. 1st Batch ṭan nghal a ni.
Tunah hian 2nd Batch tur la tura inbuatsaih mek a ni a. 29 June 2018 thleng SONT ah Form & Prospectus lak leh thehluh theih a ni a. Ni 6 July 2018 hian Written Test neih a ni ang.
No comments:
Thanks for your comment.