tleirawl.in | 29 June 2018 : Nimin Dt 28th June, 2018 Dar 10:30 khan MZP Sub-Headquarters Seling chuan, an khawchhunga HSLC, HSSLC Leh B.A hlawhtling thar te chawimawina hun an hmang. He hunah hian Nl. Lalzikpuii BDO Thingsulthliah chuan Khuallian niin a hmanpui a, Pu Lalremtluanga Mizoram Youth Commission chu Resources Person a ni.
MZP General Headquarters Aizawl atangin Asst. General Secretary H.Lalthianghlima leh hruaitu dang ten an hmanpui bawk a ni.
He huna khuallian Nl.Lalzikpuii chuan thusawi in, "Pawl 10 leh 12 kan nih hun lai hi tan lak kan ngaih hunlai tak a ni a, zirlai kan nih lai hian insum theihna kan neih a ngai a, thlemna sual kan tawk vek dawn a ruihtheih thil laka te kan fihlim a ngai a ni. Zirlaiten nu leh pa te leh zirtirtu te thu kan awi tur a ni a, nu leh pa leh zirtirtu thu kan awi hian malsawmna kan dawng dawn a ni"a ti a. Khuallian chuan, hun hi a hlu a zirlai te hian hun kan hman thiam a ngai a ni. Zirlaite hian khawtlang leh kan ram leh hnam tan kan thiamna te hi hmang ila, ram leh hnam humhalhna pawimawh ber pakhat chu education hi a ni, a ti bawk.
He huna thusawitu dang H.Lalthianghlima Asst General Secretary MZP General Headquarters chuan, "Zirlai titha te MZP in kan chawimawi chhan Mizo zirlaite ah inelna thianghlim awm se kan duh a, kan thenawm hnamdang el pha turin zirna hi uar ila kan duh a ni.Mizo Zirlai ten IAS, IPS te hi kan Ni thei tih hria in zirna ah tan lak a ngai a ni. MZP chu ram leh hnam leh zirlai ten min mamawh na apiangah kan pen chhuak zel dawn a, kan ram tan hian theihtawp chhuah in hma kan la zel dawn a ni.
H.Lalthianghlima chuan, tunlai hian Mizo thalai zingah AIDS vei kan pung nasa hle a, thalaiten AIDS hi a darh zel loh nan hma kan lak a ngai a, a in kaichhawnna tam ber Mipat hmeichhiatna hmansual kawngah kan inveng nasat viau a ngai a ni" a ti bawk.
Pu Lalremtluanga Officer Mizoram Youth Commission in thu thatak a sawi bawk a, he huna kalkhawm te chuan hlawkthlak an ti hle. MZP Sub-Headquarters Seling te hian Seling area chhunga zirlai titha class 10 leh class 12 leh B.A, BSc zirlai 62 hnenah chawimawina certificate an hlan a ni.
MZP General Headquarters Aizawl atangin Asst. General Secretary H.Lalthianghlima leh hruaitu dang ten an hmanpui bawk a ni.
He huna khuallian Nl.Lalzikpuii chuan thusawi in, "Pawl 10 leh 12 kan nih hun lai hi tan lak kan ngaih hunlai tak a ni a, zirlai kan nih lai hian insum theihna kan neih a ngai a, thlemna sual kan tawk vek dawn a ruihtheih thil laka te kan fihlim a ngai a ni. Zirlaiten nu leh pa te leh zirtirtu te thu kan awi tur a ni a, nu leh pa leh zirtirtu thu kan awi hian malsawmna kan dawng dawn a ni"a ti a. Khuallian chuan, hun hi a hlu a zirlai te hian hun kan hman thiam a ngai a ni. Zirlaite hian khawtlang leh kan ram leh hnam tan kan thiamna te hi hmang ila, ram leh hnam humhalhna pawimawh ber pakhat chu education hi a ni, a ti bawk.
He huna thusawitu dang H.Lalthianghlima Asst General Secretary MZP General Headquarters chuan, "Zirlai titha te MZP in kan chawimawi chhan Mizo zirlaite ah inelna thianghlim awm se kan duh a, kan thenawm hnamdang el pha turin zirna hi uar ila kan duh a ni.Mizo Zirlai ten IAS, IPS te hi kan Ni thei tih hria in zirna ah tan lak a ngai a ni. MZP chu ram leh hnam leh zirlai ten min mamawh na apiangah kan pen chhuak zel dawn a, kan ram tan hian theihtawp chhuah in hma kan la zel dawn a ni.
H.Lalthianghlima chuan, tunlai hian Mizo thalai zingah AIDS vei kan pung nasa hle a, thalaiten AIDS hi a darh zel loh nan hma kan lak a ngai a, a in kaichhawnna tam ber Mipat hmeichhiatna hmansual kawngah kan inveng nasat viau a ngai a ni" a ti bawk.
Pu Lalremtluanga Officer Mizoram Youth Commission in thu thatak a sawi bawk a, he huna kalkhawm te chuan hlawkthlak an ti hle. MZP Sub-Headquarters Seling te hian Seling area chhunga zirlai titha class 10 leh class 12 leh B.A, BSc zirlai 62 hnenah chawimawina certificate an hlan a ni.
No comments:
Thanks for your comment.