ZOFA TEN REMNA NI I HMANG THEUH ANG U

28 Nikir thla, 2018

MZP General Headquarter Executive in a lo rel tawh angin, MZP chuan Remna ni June 30th 2018 hi Mizoram hmun hrang hrangah ropui takin a hmang dawn a, he hmang tur hian Zoram Mipui zawng zawngte MZP in Remna Ni a hmanna hmun apiangah lo hmanpui turin thinlung takin MZP chuan a sawm tak meuh meuh a ni.

Zoramin theih tawpin Zalenna a sual a, ram leh mipui ten nasa takin kan tuar a ni. Tawrhna nasa tak leh hreawm tinreng hnuaia theihtawp chhuaha Zoram tana beitu te kha chhuanawm a tiin MZP chuan a ngaisang hle a, Hnam Pasalthate leh Ram tan a nunna hlu tak hlantute MZP chuan a hre reng a, Ram tana an inpekna a ngaihluin a zah hle bawk a ni. MZP chuan tawrhna nasa tak leh hreawm tam tak karah Mizoramin remna leh muanna kan nei thei chu lawmawm a ti hle a, Remna kan neih theih nana hma la tu te chhuanawm a ti hle a ni.

Remnna Ni vawi 32-na a lo thlen hian zoram mipui zawng zawng ten remna leh muanna hlutzia i hre thar leh theuh ang u.

Mizoram hmun hrang hrangah Remna Ni hi MZP huaihawtin heng hmunah te hian hman tum a ni: 1. Lunglei, 2.Biate, 3. Saitual, 4. Zawlnuam, 5. Kolasib, 6. Serchhip, 7. Khawzawl 8. Vairengte, 9. Kawnpui, 10. Bairabi, 11. Sairang, 12. E. Lungdar, 13. Hnahthial, 14. Tlabung


            Sd/-             (ROTHANLIANA)
Secretary i/c Publicity