tleirawl.in | 15 June 2018 : VawiinYMA Day vawi 83-na chu hmun hrang hrang a YMA Branch te chuan hnatlang, mi tanpuina, intihhlimna leh infuihtharna hun atan an hmang a.
YMA Vengthar Branch, Thingdawl chuan YMA Branch dangte rualin YMA Day an hmang a.
Zing lamah Veng chhung tifaiin an hnatlang a. Chhunah Section tinte Volleyball a inelin an intihlim bawk.
Hun kharna hmangin, He hun hi Pu RC Lalnuntluanga, President in a kaihruai a, an branch chhunga Pawl 10, 12 leh B.A leh a chunglam pass tharte chawimawina an nei a.
An branch member, Mizoram leh Assam ramri buai chungchanga 10 March 2018, a Zophaia Assam Police kut tuar; V Lalchungnunga, President, MZP Sub-Hqr, Thingdawl leh H Lalthuthlunga Zate, Ex-President, MZP Sub-Hqrs, Thingdawl te chu chawimawina 'Tawlhloh Puan' an hlan a. Chawimawina hi Pu C. Lalrinzuala'n a hlan a ni.
Vengthar Branch te hian Kumin hian Silver Jubilee an lawm dawn a. YMA Hall sak tumin hma an lak bakah, thlanmual tur an ngaihtuah mek a, an bialtu MLA Pu Hmingdailova Khiangte chuan Vengthar thlanmual leina tur 3.5 Lac, YMA Hall bul ṭannan 2 Lac leh kumin 2018 YMA Silver Jubillee lawmnan 1 Lac a pe a ni. A chungah YMA Vengthar Branch te an lawm hle a ni.
No comments:
Thanks for your comment.