ZU ZUAR FANU 29

CHAPTER--29
*R'z Thangluah✍🏻*

Thawhleh Ni zingah chuan Max chuan a thuamhnaw vel chu a pack malh malh a. Kimkimi chuan,"Puih i ngai em?,"tih pahin a rawn nuih leh sen sen a. Max chuan,"Ngai deuh tho e,min lo pui la,"tih pahin a lo nui suk a. Kimkimi chuan,"I nu te i phone tawh mi?,"a lo ti leh a. Max chuan,"Phone lo e tinge?,"a lo ti vat a. Kimkimi chuan,"Tower a ṭha tawh a,tlangah kal a ngai tawh lo nia aw,"a ti leh a. Max chuan,"Tak tak mi a?,"a lo ti vat a,a phone chu a en nghal vat a. Kimkimi chuan,"Imm tak tak e,"a ti a,Max-a thuamhnaw chu a thlep mawlh mawlh a. Max chuan,"Nihchuan ka nu kan be lawk nge aw,"tiin a phone chu a la a,a nu chu a call nghal a;

"Aw Mama,"

"E Nu,chaw eikhamah ka rawn chho ang aw hei ka in pack mek a,"

"Ee awle tlangah kal a ngai tawhlo mi a?,"

"Umm tower an siamṭha tawh a,kal a ngai tawh love,"

"A ṭhat nasat chu Msi i be tawh em?,"

"Aih be lo whatsappah ka be mai ang,a buai leh awm sia,"

"Nia i tih dan dan le,fimkhur deuhin motor kha rawn khalh ang che aw,"

"Awle Nu,ka hria lawm chaw kan ei dawn a,ka dah phawt ang aw. Ka rawn chhuah dawnah ka rawn be leh ang che aw,"

"Awle awle...chaw eitui aw,"

"Awle nangni pawh le,"

Max chuan phone chu a off nghal a,Msi chu whatsapp ah a text leh nghal a;

"Chaw eikhamah ka rawn chho dawn a,ka rawn call lo mai che aw. I buai ka ring a,ka rawn chhuah dawnah ka rawn hrilh leh ang che aw,"

Max chu a out leh nghal a,"I ngaihawm dawn hle mai,"tih pahin Kimkimi biangah chuan a fawh sak leh zauh a. Kimkimi chuan,"Awii min ngaih tak tak pawh ka ringlo e a,i haw chho a nga min theihnghilh leh daih tho ang,"tih pahin a lo ner nûng nûng a. Max chuan,"Teuhlo lutuk mai aw,nang lo chu ngaih tur an awm chuang hleinem,"tih pahin Kimkimi hmuiah chuan a fawp leh vang vang a. Kimkimi chuan a lo chhang let rang khawp mai,duhthaw takin an in fawp leh vawng vawng mai a.

Msi chuan insiam pahin a whatsapp chat ho chu a check malh malh a. A rin loh deuhin Max-a message a lo awm hlawl mai a,"Awii tihpalh lutuk aw,i message hi ka hmu har lutuk a. Ka ngai tawh che nia aw,lo haw vat vat rawh aw chuan,thil ṭha tawk min lo hawn bawk la aw😍,"tiin a reply nghal a. Mahse,a message chu Max chu a hawng miahlo,online a in ti kuau bawk sia. Msi chuan a hrethiam lo hle mai,"Putar,i buai a mi a? Ka hna ka kal a ngai tawh a,fimkhur deuhin i rawn kal dawn nia aw bye,"tiin message dang a hnutchhiah leh a.

Msi chu ke in damdawiin lam chu a pan hlawk hlawk a. Max-a mizia chu danglam tlatin a hria a;mahse,a ngaihtuah zui duh lem lova.

Damdawiin a thlen chuan  mipui ho chu an lo zi leh hut hut tawh a. Casualty-a a duty ni tur a nih vangin ṭhut pawh ṭhu khawmuang lovin Casualty-ah chuan a lut nghal a. Hliam tenau deuh dressing ngai 2 hian an lo nghak reng tawh a,"Awii min lo nghahna a rei tawh em? Vawiin chu duh aiin ka rawn tlai a,min lo hrethiam hram hram mai ru aw,"tiin thupha a chawi nghal mawlh mawlh a. Damlo 1 zawk chuan,"Ee keini pawh kan thleng ve deuh chiah a ni e,a hmanhmawh thlak loh a nia,"a lo ti ve bawk a.

Max pawh chhuak turin a in peih at tawh a,Kimkimi pa chuan,"Keini chu huan lamah kan kal a ngai sia,kan kalsan phawt mai ang che aw. Fimkhur deuhin motor khalh la,i thlen hunah min rawn hrilh ve la aw,tunlaiah chetsualna te a tam a in ngaihtuah a nâ a nia,"tiin Max chu a thlah a. Max chuan,"Ni e ka thlen veleh ka rawn hrilh vat ang che u,nangni pawh fimkhur ula aw ramhnuaiah hna in thawk dawn bawk sia,"tiin a thlah ve a. Kimkimi nu leh pa,a u te 2 chu rama kal turin an liam ta a.

Kimkimi chuan,"I kal hma in ka muah leh duh che nia aw,"tih pahin Max chu a rawn kuah a,a rawn fawp nghal tawn tawn a. Max chuan,"Khaii..khaii..miin min hmu a nge kawngka kan khar bawk silo,"a lo ti thung a. Kimkimi chuan,"Nihchuan roomah ni mai lawm,"tih pahin kawngka chu a va khar a,a kalh nghal hmak a,"Zanin aṭang chuan i tellovin hun ka hman a ngai tawh dawn a sin. Min ngai ve dawn miahlo a mi?,"tih pahin Max chu a rawn kuah a,beisei nei tih hriat tak hian a rawn melh chho ralh a. Max chuan,"I mit meng mawi tak leh sexy tak mai a min melh tawh hi chuan maw,ka tlu leh duai duai ṭhin a nih hi,"tih pahin zawitein Kimkimi khabeah chuan a dawm a,a hmui senna chek maiah chuan duhthaw takin a fawp leh vawng vawng a. Hnuai lam a mi pawh a rawn che leh ṭual ṭual tawh mai a.

Max chuan insum harsa a ti hle mai,Kimkimi chu a kuah a,"Ka chhuah hma in vawi 1 chiah aw,"tiin Kimkimi bengah chuan zawi te fiah deuh si hian a sawi a. Kimkimi lah chu a lo phûr em em mai bawk si,"Hei hun hi lawm ka nghah reng chu,mipa taka i chet hun hi lawm ka lo nghah chu,"a lo ti nghal mawlh mawlh a. Max chuan Kimkimi chu a pawm a,room lamah a luhpui nghal a. Khumah chuan muang changin a muttir a,"Ka duat,ka tan hian i mawi ber mai. Nang hi nupuiah ka neilo che anihchuan ka lengtar zawk mai ang,"tih pahin Kimkimi chu a fawp leh vawng vawng a.

Max leh Kimkimi chuan Kimkimi khumah chuan duhthaw takin hun an hmang dun leh ta a. Max chuan,"Duat,min lo nghak hram hram rawh aw. Ka hna vel hi ka tihfel hunah chuan ka ta tak tak i ni tawh ang,"tiin Kimkimi sam chu a chûl sak hliau hliau a. Kimkimi chuan,"Umm mahse,ka nghak ve sauh sauh che a nga. Midang min neih san daih ang tih chu ka hlau ve reng,"a nui sen sen a,Max-a taksa rem lai laiah chuan a rawn chûl leh thuak thuak a. Max chuan,"A rei tawh dawn hleinem,lungngai suh. Min lo nghak tawp la a dik vek a ni mai,ka ta i ni tih kha hre reng ang che aw,"tih pahin Kimkimi chu a nuih suk a,thawk ham ham pahin a ngawng velah chuan a fawp kual den den a.

Msi chu a áwl ve thei ta hram a,a âwl lai chuhin Max-a message a awm ringin a phone chu a en a. Mahse,Max-a message engmah a awm lo,damlo buaipui ngai an awm lo bawka tiin Max chu a call ta a.

"Aw Hello tunge aw?,"
Hmeichhe âw a ni...

"Hei hi Max-a phone a nilo a mi?,"

"Aw ni e a inbual lawk a,tunge aw?,"

"Aaaa...a ṭhiannu ka nia. A inbual zo ṭep tawh a ngem?,"

"Eee aw hei a zo chiah lawm..,".....
"Kha an be duh che a,"

"Aw hello,"

"I la rawn chhuak lo mi?,"

"Umm chhuak ṭep e,i buai lo mi?,"

"Buai loh lai tak a ni,"

"Umm hei ka motor kan start lawk nge aw,"

"Umm ka dah mai aw,damlo buaipui tur an awm a,"

"Awle,"


Msi chuan Max-a awmdan chu ngaihtuah loh tum mah se,a ngaihtuahlo thei silo,"Kha hmeichhia kha tunge ni ang le?,"a lu a thing a,"Nilo tiang kha ka ngaihtuah tur a ni lo,Max chu mipa ṭha tak a ni lawm,"ama hriat tawk lek chuan a phun sep sep a.

A bula nurse 1 chuan,"Iiih...englo i ṭha em?,"in thlahrun hmel tak hian a rawn ti a. Msi chu a phu deuh zawk a,"Aaa aw ka ṭha e,ka ṭha e,"a lo ti vat a. Chu nu chuan,"Iiih englo min hria em?,"a ti ringawt a. Msi chuan,"Aw Siamtei i ni lo mi?,"a lo ti vat a. Siamtei chuan,"Aww ni e mahse,englo kan vengah in awm ṭhin kha,"a ti leh a. Msi chuan,"Eee aw i sawi takah chuan ka hria che lawm. I nu pawh ka hria;mahse,khawngaihin kan veng chanchin chu sawilo ang aw,"a ti nghal a. Siamtei chuan,"Awle ka tihpalh lutuk. Iiih..chhun thil ei a hun tawh a,engnge i ei duh ang?,"a ti leh a. Msi chuan,"Rice a ni mai aw,"a lo ti vat a. Siamtei chuan,"Awle ka zu order a nge,"tih pahin a kal nghal a.


Max chu tlai dar 5.00pm velah a rawn thleng a. Motor aṭang chuan a rawn chhuak chiah a,Msi hna bang nen chuan an in hmu chiah chiah leh nghal a. Msi chuan a lo be nghal vat a,"I rawn thleng chiah nimaw? I chau em?,"a lo ti nghal vat a. Max chuan,"Chau lo e,i bang ve chiah mi a?,"a lo ti ve vat a. Msi chuan,"Aww vawiin chu ka bang hma deuh a,i chau awm sia zan lamah pawh i rawn leng peih lovang tiraw?,"tih pahin a nui suk a. Max chuan,"Nia zanin chu mut hahdam ka mamawh,kawngchhiaah ka rawn insawhnaah ka sil vekin ka hria. Ka lut a nge aw,"tih pahin an in lam pan chuan a chho nghal a. Msi chuan a en zui vang vang a,"Kar 1 chhung lek khan tiang hian i inthlak hman a nia,i mak hle mai,"a zawi sep a,an in lam pan chuan zawi muangin a kal hnak hnak a.

Notei chuan,"Mam,i leng dawn lo mi?,"tih pahin a lo nuih a. Max chuan,"Zanin chu ka chau e mai,ka peih rih lo mut hahdam ka duh,"a ti a,room lamah a chho nghal daih a. Notei chuan,"A hlat loh nen i peihlo ve hrim hrim nihkha,"a ti hluk a.

Msi amahin room-ah a awm a,damlo pakhat a buaipui mek natna chu zir chian tumin lehkhabu leh laptop chu a in chhawp rup mai a. A khât tawkin Max-a message a awm ringin a whatsapp chat chu a check leh zauh zauh ṭhin a. Mahse,Max-a message hmuh tur a awm ngai lo,a online reng bawk si. Max-a mizia in thlak danglam nasa lutuk chu a hrethiam lo hle mai,"Ka text mai dawn mawn le? Ka lakah lungawi lohna a lo nei reng zawk a niang a?,"tiin a ngaihtuah a,a rilru chu a buai khawp mai.

Max hi a hmangaih lo;mahse,kha chen kha an lo inzui ve tawh a. A mizia za a ṭhen 60 vel hi chu a hre hneh ve khawp mai. Chubakah,hmangaih miahlo mah se,a nêl ve tawh khawp mai. Hlimna tam tak a pe a,rilru na in a siam ngailo a nihkha. An inkawp chungchangah nise,Max-a chhungte hian  engmah a huat turin an sawi ngai lova. An chhungkaw mo ni turin an awt em em ṭhin a ni zawk si a. Mahse,kha hun kar 1 lek a zin chhung khan hetiang khawp hian a mizia a thlak hman a ni a. Thla 1 vel cham ta se,engtin tak awm ang maw? Msi chuan a research bei mekah chuan a rilru pawh a pe thei tawh lo a ni. Max-a mizia in thlak danglam nasa lutuk chu mak a ti em a tin ni.

Emily pawh China a zin chu a rawn haw tawh a. A sumdawnnaah a buai leh nghal char char a,Sangtea lah tih tur em em nei lovin Emily te dawrah chuan a lut chhuak ve sek bawk a. Sangtea chuan,"Tun Sunday chu Msi te Inah leng ila,"a lo ti a. Emily chuan,"Nia ka thil hawn sak pawh ka la pe lo,Max  pawh Jumper ka hawn sak a pe nghal ila a ṭha ang,"a lo ti vat a. Sangtea chuan,"Nia Msi pawn a ngai tawh ngawt ang che,"a lo ti leh a. Emily chuan,"Nia keipawn ka ngai a lawm. Nangmah aipawn ka ngai,"tih pahin a nui har har a. Sangtea chuan,"Hmm nia keichu tuman min ngai ve duh hleinem,kei misual hian ngaitu pawh ka nei ve lo,"tih pahin a hawi sawn deuh hmak a. Emily lah chu a lo nui bawk bawk a,"I van naupang chhia tak e aw,ka ngai che ka ngai ber che,"a rawn ti leh a. Sangtea chuan,"Hmm ka pawm tawh lo,Msi nihkha i ngaih chu,"a lo ti leh hmuk a. Emily chuan,"Awii i cute reuh lutuk...ka van duh tak che. Vawiin chu min treat thei,"a ti nghal zat a. Sangtea chuan,"I va phakar e aw,engnge i duh?,"a lo ti vat a. Emily chuan,"Sanpiau ka duh,"a lo ti vat a. Sangtea chuan,"Keichu Hydera egg roll ka ei chak,"a lo ti thung a. Emily chuan,"Awii kan dawr ṭang chuan a hla e,"a lo ti vat a. Sangtea chuan,"Nia pawilo sanpiau ka ei ve mai ang,order la ka rilṭam tawh nia,"a lo ti vat a. Emily chuan,"Awle boss,"tih pahin ei tur chu a order nghal a.

"Max,i awmdan hi ka hrethiam lo. I mizia hi a dang lutuk,min be ṭha ngai silo. A hmaa min ngaihsak ang khan min ngaihsak tawhlo bawk a,ka lakah lungawi lohna i nei a mi?,"tiin Msi chuan a zawt ta nge nge a. Max chuan,"Aih i lakah hian lungawi lohna ka nei ngailo hrim hrim. Tunlai chu ka chau ve deuh a,chuvang pawh chu a niang. Engmah a nilo a nia aw,"a lo ti vat a. Msi chuan,"I zin haw aṭang khan i danglam vek,"a lo ti leh a. Max chuan,"Nia ka zinnaah khan zan lamah kan mengrei thei sia,chubakah khaw lum nen chhun lamah tih tur neuh neuh a lo awm ṭhin bawk sia,ka tihpalh aw,"tiin thupha a chawi nghal a. Msi chuan,"Awle ka hrethiam e. Chuan,i hna chu engtinnge ni dawn?,"a ti leh a. Max chuan,"A hmaa ka zinnah tho khan kar leh ah zin leh a ngai dawn a. Thla 1 vel kan cham ka ring,"kuhva chu a kheh malh malh a. Msi chuan,"Mahse,tower kha a chhe tawh lo tiraw?,"a lo ti vat a. Max chuan,"Umm chhe tawh lo e,"a lo ti mai a. Msi chuan,"Nihchuan a zia deuh chu,"a lo ti mai a. Max chuan,"Nia mahse,tun ṭum ka zin tur chu a hma aiin hna ka ngah dawn a. Ka peihlo khawp mai,"a lo ti leh a. Msi chuan,"Eng lam nge in zu thawh ber dawn a?,"a ti leh a. Max chuan,"Lung rem tur a nia,kan contractor ber hi a damlo sia. A âi ka awh a ngai dawn a,"a ti leh a. Msi chuan,"Nihchuan thudang daih aw,"a ti ta a. Max chuan,"Umm nge ni ta?,"a lo ti vat a. Msi chuan,"I rawn haw dawn ni a,ka rawn call che a lo pick tu kha tunge?,"a ti ta nge nge a. Max chu a ngawi vang vang a,Msi zawhna pawh chu hre âwm pawhin a lang lova. Msi chuan,"Umm pawilo min chhang lo mai rawh,"a ti ve hmak a. Max chuan,"Ee khanu kha maw ka thlenna in te fanu a nia,a lâ lutuk a a lo pick ve tawp a nihkha,"a lo ti bah deuh niai a. Msi chuan,"I chiang maw?,"a ti leh a. Max chuan,"Aww tinge thu mak deuh deuh min zawh a? Min ring lo mi a?,"a ti zek zui a. Msi chuan,"Ring e ka ring lutuk che lawm,"a lo ti leh mai a.