tleirawl.in | 10 July 2018 : Vawiin 10 July 2018 khan Finance Minister Pu Lalsawta leh Health Minister Pu Lal Thanzara ten New Economic Development Policy (NEDP) sum hmanga lei medical khawl sawmthum chuang Aizawl Civil Hospital-ah an hawng.
Pu Lal Thanzara leh Pu Lalsawta te hian Civil Hospital Khawl hrang hrangte an hawngin, an tlawh kual a, an enpui bawk a. Hawnna inkhawm tawi Doctors Seminar Room-ah neiin, Aizawl Civil Hospital Medical Superintendent Dr. K.L.Remsanga’n a kaihruai a.
Khuallian Finance Minister Pu Lalsawta chuan, "NEDP hi hmasawnna huapzo ruahmanna - comprehensive growth strategy a ni a, mipui mamawhna kawng hrang hrangah hman a ni," a ti. Civil Hospital tana khawl tha leh manto tak tak NEDP sum hmanga leite chu mipui rawngbawlna atana hman tur a ni a. Hmasawnna hna tul hrang hrang thawh mek zel a nih lai hian health sector chu mipui mamawhna a nasat avangin sawrkarin a ngai pawimawh leh zual a, theih tawp chhuahin a tihchangtlun hna hi sawrkarin a thawk zel dawn, thu a sawi bawk.
Health Minister Pu Lal Thanzara chuan doctor-te thiamna in tlin mahse khawl tha a awm loh avangin phai damdawi in lianah damlo tam tak refer an ngai thin a. NEDP sum hmanga lei khawl thar tha leh tun lai ber ber, Civil Hospital-a dah a ni hi mipui leh sawrkar tan malsawmna nasa tak a ni, a ti.
Heng khawl thar leh hmanraw thar hawn tak te hi Anaesthesia work station pahnih; mechanical ventilator pathum; 500KVA diesel generator pahnih, hemodialysis pali, RO Plant - Metcom System pahnih, Oxygen Cylinder Type A,B,C leh Flow Meter; Oxygen Generating Plant; orthopaedic operation table with fracture table, drill machine, spinal surgery set, anthroscopy instrument; colposcope machine & accessories; hydraulic operation table (maquet); ultrasound machine; OT Table USI-203E (C Arm compatible); paediatric ventilator; C.PAP Machine; Endoscopy Machine (Olympus Optera); autorepractometer (NIDEK); YAG Laser (ZEISS); B-Scan (Biomedics); Vitrectomy Constellation (Alcon); Biochemistry Analyser Erba Chem 7; Mini Vides Immunochemistry Analyser (Biomerleux); Automated Blood Cell Counter Swelab; Laparoscopic Set HD; ESWL Machine (Dornier HM); PCNL Set (Wolf); Automatic Tissue Processor & Microtome machine; 3KVA Stabilizer te an ni.
Khuallian Finance Minister Pu Lalsawta chuan, "NEDP hi hmasawnna huapzo ruahmanna - comprehensive growth strategy a ni a, mipui mamawhna kawng hrang hrangah hman a ni," a ti. Civil Hospital tana khawl tha leh manto tak tak NEDP sum hmanga leite chu mipui rawngbawlna atana hman tur a ni a. Hmasawnna hna tul hrang hrang thawh mek zel a nih lai hian health sector chu mipui mamawhna a nasat avangin sawrkarin a ngai pawimawh leh zual a, theih tawp chhuahin a tihchangtlun hna hi sawrkarin a thawk zel dawn, thu a sawi bawk.
No comments:
Thanks for your comment.