Rev. Dr. Ruolneikhum kan then ta

tleirawl.in | July 10, 2018:  Hnam rohlu, EFCI Kohhran President pahnihna Rev. Dr. Ruolneikhum Pakhuongte chu hun rei tak a dam loh hnuin a lei taksa kalsanin a rawng a lo bawl thin Pathian ang chhunga chawl kumkhua tawh turin, July 10, 2018 tlai dar 4:50 Supercare Hospital, Shillong ah kan lo then ta.


Rev. Dr. Ruolneikhum Pakhuongte hi Pu Rochunga Pakhuongte leh Pi Dartuochawngte inkarah Khawlien, Mizoram ah April 13, 1934 khan a lo pianga, unau 8 zinga a pasarih-na a ni.

Evangelical Free Church of India (EFCI) President pahnihna (2nd) leh full-time President hmasa ber a ni a, kum 1979-2006 chhung khan President hna hi a chelh a ni.

Zirna lam:
M.A. Allahabad ah zovin,  M.Th chu USA ah a zova. 

Hna leh mawhphurna:
1964 - 1968  : Principal , Sielmat Christian High School  ( tuna Sielmat Christian Higher Secondary School. )
1969 - 78 : Vice- President, Bibles for the Bibles for the World.
1979 - 2006 : President, Evangelical Free Church Of India.
Hemi bakah hian UCC Board Chairman, ASA Vice Chairman, NEICC Chairman te pawh a lo ni tawh bawk.

Chawimawina:
2005 -  Degree of Doctor of Divinity, Senate of Serampore College (University). 
2007 - Lifetime Appreciation Award , HSA Shillong JHQ in Golden Jubilee

Lehkhabu pawh Saptawng leh Hmar tawngin a ziak tawh bawk a ni.
A nupui Pi Tanpuii nen fa 4 neiin EFCI Centre, Shillong ah an khawsa a ni.
A ruang hi Silemat lama phurh tur nia thu dawn a ni.