Pic Vasty Fenate
Ziektu: H. Zate,
- www.hzate.in
‘Ei nun tienlai inchang ding hi dâwn ve la’
Ka thaw ding hre naw chun ka fb a, noti tam tak karah chapo le indu hlaw nuom naw leiin Friends Request um chuh enin ka pawm tawl a. Ka hriet hlak em em khawm ni lo chuh ka hei pawm ve thawr el a. Kha zan khan tu hun hi tlungin ka lungril hluo zotu a la ni ding ti hi ka ngaituo phak nawh. Fb-ah chun inbein, kha hunlai khan ka lungrilah hmun a chang hi ka ring ngai nawh.
‘Hi
xxxxxxx (a hming a ziek a)’
kei chun ‘xxxxxxx ka ni nawh’ ka ti pek a. Ni tin le a hun awla chun mi hung be peiin ruol angin ka’n pawlpui a. Ni khat chu ka ruolnu hin ka Phone No. a mi hung indawn a, ka lo pek ve el a. Ka phone ah thuthawn ka dawng a, ka hei en chun ka ruolnu a ni nawh. Ka no. a hung inhnitir a lo ni lem ran a.
xxxxxxx (a hming a ziek a)’
kei chun ‘xxxxxxx ka ni nawh’ ka ti pek a. Ni tin le a hun awla chun mi hung be peiin ruol angin ka’n pawlpui a. Ni khat chu ka ruolnu hin ka Phone No. a mi hung indawn a, ka lo pek ve el a. Ka phone ah thuthawn ka dawng a, ka hei en chun ka ruolnu a ni nawh. Ka no. a hung inhnitir a lo ni lem ran a.
Ngaizawng nei ka nuom naw leiin ruol angin ka’n pawlpui a, sienkhawm, ama chun a mi dit thu le tha a mi ti thu a min ba ran hlak. Ni tin, zan tin, kan hun nei po po deu thawin kan inbiek hlak a. WhatsApp, Fb, SMS le thil dang dangah kan inbiek deu chawt el a nih. Thla tam kan inbiek hnung chun ka lungrilah a um ve tan tah a. Sienkhawm, hi lungril inmawl tak hin a lawm zawng le mamaw khawm a hrietthiem ngai naw a ni hih. Chuonga kan inbiek hlak lai chun vawi khat chu ‘inbiek tah naw’ ka rawt a, kan inbiek ta nawh. Sienkhawm, kha thil kha ka lungrilin a mamaw zie ka hrietna ding le ka ta dinga a hlutzie ka hrietsuokna a ni lem si. A msg, call, le WhatsApp le Fb-ah ka hei hmu ta naw chun ruok inhuoi le kim naw tut inhrietna ka nei a, inbiek ta naw rawttu kha ka biek nuom ta naw ngaiin ka buoi lem ta si. Ka um thei nawh, ka ngai a, zingkara ka hei tho char a ka tiem dinga thuthawn thlum tak tak a lo hnutsie hlak dam kha a um ta nawh a. ‘Hmelthate’ tia mi kotu ding a um ta nawh. Ka nun a ruok a, naute nene chaka a tap ang hin chu tlangval ngai chun ka’n rum rawng rawng el a nih. Ka ngaia ka thlakhla tlat leiin A tawpa chun kan inbiek nawk tah a.
Hun a liem a, sekhawn liemin minit a liem a, minit chun Darkar a hring a, darkarin ni, niin kar, karin thla, thla tam a liem a, ‘ei inbiek ngun chun ei intheida naw vêk chun ei inngaina hlak’ ti ang deuvin kan inbiek ngun a, theida hlak ka theida naw a, ka nghawk bawk nawh, thil dang a um nawh, ka ngaina dér el tah a. Ka hun hmang le ka thil thaw iengkim hi amain a hriet a, ka iengkima iengkim a ni tah. Sienkhawm, hmangaina ka la inhlan ve nawh.
Vawi khat chu an khuoah inzinin an in le sungkuo ka hmu a, ka ngainatna a zuol. Ralkangah nek chun a takah chun a lo thain a mi hipna a na lem. Ka cham sung chun a mi ngaituo em em a, hmun inhawi deu deu a dam a mi lengpui. Ka khuolzinna ramah chun cham sawng thei ka ni naw leiin kan khuo tieng ka kir a lo hun nawk tah a. Ka kir tawm zan inhmuin titi kan sep a, intheida naw ve ve chun ‘ka hmangai che’ tia inhlanin ringumna intiemin duot tak le lungchim taka mi kuoin a mi fawp ngawi ngawi a. Kha zan zet kha chu bo lova chel sawng thei nisien chu chel em em ka tih. Sienkhawm a thei si nawh. Ngai le inthlakhla tak puma inthlain kan khuo tieng ka’n lawi san tah a.
Kha taka inthawk lem khan chuh ka ngaina zuol a, ka ngai ngawi ngawi el a. Ka ta dingin a tha ngawi ngawi a. A piengzie, mitmeng, a chawnban, fuke le a taksa iengkim el khan kei Hmar nunghak satlie lung hi a dum ngawi ngawi el a nih. Sienkhawm, hmangaina karah hin hmelma an hung hrang a. Hi tak hi a nih siemtu nunrawng ka tina chuh. Ka ruoltha le ka sunghai khawm hmelma an inchang zova. ‘A hmain a ler taluo’ , a suol, a nghal ti ringawt khawm hi ka dawng rawn sienkhawm, a nunhlui ni lovin q hma hun lem hi ka ta ding chu a ni lem si a. Nunghak ve nafam chun beiseitu le dittu tam tak ka tawng ve a. Ama sin nei lo, a mi dittuhai hlak officer ruol el. Chu khelah keiin sin ka hei nei nawk bawk si. Sung le kuo lung chuh a awi nawh. Ka hmangaiin ka dit a, sienkhawm, nu le pa lungtlu lova pasal nei chu ka nuom si nawh. Chel ran nuom langkhawm ka inthla a tul hun a la um awm si. Amiruokchu, chuong ang hun a lo tlung a ni khawma ‘EI NUN TIENGLAI INCHANG DING’ hi hre ve zing dingin ka nuom a. Ka hmangaina hi a hlawtlingnaw a ni khawm a ama bek chun hlawtlingna changin ka ta a ni sung hin puitling ngei sien ti chu ka duthusam a ni rawp hlak si. Ka leia hlawtlingna a chang chun ama leh hmangaina par tlanin leng hmunkhat naw inla khawm ka tuor dan annem deu awm ie.
‘Hi khawvelah ei lo lenghmunkhat naw khawma ‘ka naute’ ei nun tienlai inchang ding hi innghil bik naw rawh aw!!’
Vawi khat chu an khuoah inzinin an in le sungkuo ka hmu a, ka ngainatna a zuol. Ralkangah nek chun a takah chun a lo thain a mi hipna a na lem. Ka cham sung chun a mi ngaituo em em a, hmun inhawi deu deu a dam a mi lengpui. Ka khuolzinna ramah chun cham sawng thei ka ni naw leiin kan khuo tieng ka kir a lo hun nawk tah a. Ka kir tawm zan inhmuin titi kan sep a, intheida naw ve ve chun ‘ka hmangai che’ tia inhlanin ringumna intiemin duot tak le lungchim taka mi kuoin a mi fawp ngawi ngawi a. Kha zan zet kha chu bo lova chel sawng thei nisien chu chel em em ka tih. Sienkhawm a thei si nawh. Ngai le inthlakhla tak puma inthlain kan khuo tieng ka’n lawi san tah a.
Kha taka inthawk lem khan chuh ka ngaina zuol a, ka ngai ngawi ngawi el a. Ka ta dingin a tha ngawi ngawi a. A piengzie, mitmeng, a chawnban, fuke le a taksa iengkim el khan kei Hmar nunghak satlie lung hi a dum ngawi ngawi el a nih. Sienkhawm, hmangaina karah hin hmelma an hung hrang a. Hi tak hi a nih siemtu nunrawng ka tina chuh. Ka ruoltha le ka sunghai khawm hmelma an inchang zova. ‘A hmain a ler taluo’ , a suol, a nghal ti ringawt khawm hi ka dawng rawn sienkhawm, a nunhlui ni lovin q hma hun lem hi ka ta ding chu a ni lem si a. Nunghak ve nafam chun beiseitu le dittu tam tak ka tawng ve a. Ama sin nei lo, a mi dittuhai hlak officer ruol el. Chu khelah keiin sin ka hei nei nawk bawk si. Sung le kuo lung chuh a awi nawh. Ka hmangaiin ka dit a, sienkhawm, nu le pa lungtlu lova pasal nei chu ka nuom si nawh. Chel ran nuom langkhawm ka inthla a tul hun a la um awm si. Amiruokchu, chuong ang hun a lo tlung a ni khawma ‘EI NUN TIENGLAI INCHANG DING’ hi hre ve zing dingin ka nuom a. Ka hmangaina hi a hlawtlingnaw a ni khawm a ama bek chun hlawtlingna changin ka ta a ni sung hin puitling ngei sien ti chu ka duthusam a ni rawp hlak si. Ka leia hlawtlingna a chang chun ama leh hmangaina par tlanin leng hmunkhat naw inla khawm ka tuor dan annem deu awm ie.
‘Hi khawvelah ei lo lenghmunkhat naw khawma ‘ka naute’ ei nun tienlai inchang ding hi innghil bik naw rawh aw!!’
( Ka blog ka hei enkuol a, December ni 3, 2K15-a Draft-a ka sie chuh ka hmusuok hlawl a, a thu siemthaa, bel ding bela, pei ding peiin ka hung insuo a . kum 2k17 a ka thuziek hmasatak a ni der el a ni hih }
No comments:
Thanks for your comment.