www.tleirawl.in
.
tleirawl.in | 06 July 2018 : All India Radio Aizawl Grade ‘A’ Artiste-te zînga senior ber, Laikunga Hmar, kum 86 chu nizan dar 12:15 khan a boral a, vawiin chhun dar 1 ah an chenna in, Chaltlang Bethel veng, Aizawlah vui a ni ang.
.
Pu Laikunga hi January 11, 1933 khan Pu Selkunga(L) leh Pi Lianchhiari Khawlhring(L) te inkarah Chaltlang, Aizawlah a lo piang a, pianpui unau 12 neiin a upa ber a ni. Kum 1958, June 16-ah Pi C.Tlangthanmawii(L) nen inneiin, fa 6-hmeichhia 3 leh mipa 3 an nei a, tu 14 leh tuchhuan 11 a nei bawk.
.
Laikunga hi a têt tê ațanga zai ngaina leh lungleng thei mi tak a ni a. An vânglai hun te hian thingtlânga lo neih leh ram hnathawh uar hun lai a ni a, zân thla êng lâwma țingțang nên khawlaia zai vawng vawngte hi a nuam a tiin a uar hle țhin. Ram riahnaah pawh meichher chhiin ral lehlama a țhiante țingțang hawhin a pan vang vang peih \hin a ni.
.
Țingțang perh hi thiam a tum êm avangin a zir nasa hle a, ‘C’ Key hmeh dan a zir hmasa ber a, ‘Lungrûkah duhthu ai ang sâm ila’ tih hla te hi tui takin a sa țhin.
.
Kum 1951 khan Govt. High School Shillong ah Cl - VII zirin Earle Hostel-ah a awm ve a. A țhianpa Lalthianghlima (L) nen Freshers’ Social-ah an zai dun a, miin thiam an ti hle. Kum 1952-ah AIR Guwahati Station Shillong-ah, Radio-ah a âw a thun ta a. Chuta țang chuan Zoram chhung leh pâwnah mite hriat a hlawh țan hle a ni.
.
Kum 1958-’59 chho vela St. Anthony’s College a a zai țhin laiin a țhiante nen “SENSIARI BOYS” Group an din ho va, College function leh Official function hrang hrangah an zai kual nasa hle. College an kal lai hian a țhiante nen Aizawl lamah an rawn chuang chhuak a. Theatre Hall (tun Vanapa Hall)-ah Sensiari Boys-te hi an zai a, chumi țum chuan Pu H.K. Bawichhuaka (L) kha Chairman niin function a kaihruai a, Sensiari Boys an han zai zo chu chairman chuan thiam a ti hle a ni ang, hnung lam ațang chuan Laikunga chu a kawm zauh va, “A bul ațangin sa leh rawh u,” a va ti leh a, tun thleng hian Sensiari tih hla chul thei lo, hranghluite lunglen kai thotu hi a sa lârtu la awm chhun niin, mi mit fûkna ber a la ni țhin.
Bawrhsâp (Superintendent)-in Lushai Hills District a awp lai khan phai lam ațanga mi pawimawh lo kal te hian Sensiari Boys zai turin an sâwm fo țhin a, tuna Governor awmna Raj Bhavan-ah hian hlim takin an zai ho hap hap țhin.
.
Kum 1959-1960 khan B.A. zir turin Calcutta lamah a liam thla leh a. Zai lam a chhunzawm zel bawk. Calcutta-a BA a pass hnuin kum 1961 leh 1962 kum te khan Serkawn High School-ah te zirtirtuin a thawk țhin. Sikula a thawh lai pawh hian zai lamah a inthlahdah ngai lo.
.
Mizoram lama a rawn chhuah chhoh hnu, kum 1994 khan Aizawlah Audio Album a siam a, he Album hming hi tunhmaa a lo lâr tawhna hming chawiin SENSIARI a vuah nghe nghe a, hla hlui lâr tak tak a record a, chung zinga lâr deuh deuhte chu: Sensiari, Di lenmawi, Ka ngai mang e, Ka bâng tawh ang tih hla Lalkhawliana phuahte; Lalzova hla: Mitthlain ka hmu, Mangțha Mangțha, Mahriakte’n ar ang ka vai e Pârte tih te; H. Lalringa hla phuah Zoramthangpuii te; K. Biaksanga hla phuah- Fam khua ka chanpui âwm e tih te; K. Rammawia hla phuah, Hêl lai Lalhniangi zûn tih te; Ka bâng dawn lo, Hmangaihna a sei êm mai tih Lalhmangaiha phuah te; K.C.Lalvunga phuah, Sik ni êng bakah, hla lâr êm êm țhin- Ka rawn fang leh hmana kan țuanna tlâng tih te a tel. Heng hlate hian lung a tileng hle a, nunhlui ngaihna lam hla te, hla ril țha tak tak an ni a, tunlai țhangthar zingah phei chuan lâr vak tawh lo te pawh a ni hlawm mai thei.
.
Kum 1996 khan Krismas Album - “LAIKUNGA & A FATE” tih chu a siam leh bawk. Amah hi mite’n zai thiam an ti êm êm a, a hla sak zinga mi K.C. Lalvunga phuah Sik ni êng tih phei kha chu kum 1956 - 1957 vel khan Shillong lamah a lo lâr viau tawh a, mite’n Sik ni ênga tiin a hming lem an lo vuah hial a ni.
tleirawl.in | 06 July 2018 : All India Radio Aizawl Grade ‘A’ Artiste-te zînga senior ber, Laikunga Hmar, kum 86 chu nizan dar 12:15 khan a boral a, vawiin chhun dar 1 ah an chenna in, Chaltlang Bethel veng, Aizawlah vui a ni ang.
.
Pu Laikunga hi January 11, 1933 khan Pu Selkunga(L) leh Pi Lianchhiari Khawlhring(L) te inkarah Chaltlang, Aizawlah a lo piang a, pianpui unau 12 neiin a upa ber a ni. Kum 1958, June 16-ah Pi C.Tlangthanmawii(L) nen inneiin, fa 6-hmeichhia 3 leh mipa 3 an nei a, tu 14 leh tuchhuan 11 a nei bawk.
.
Laikunga hi a têt tê ațanga zai ngaina leh lungleng thei mi tak a ni a. An vânglai hun te hian thingtlânga lo neih leh ram hnathawh uar hun lai a ni a, zân thla êng lâwma țingțang nên khawlaia zai vawng vawngte hi a nuam a tiin a uar hle țhin. Ram riahnaah pawh meichher chhiin ral lehlama a țhiante țingțang hawhin a pan vang vang peih \hin a ni.
.
Țingțang perh hi thiam a tum êm avangin a zir nasa hle a, ‘C’ Key hmeh dan a zir hmasa ber a, ‘Lungrûkah duhthu ai ang sâm ila’ tih hla te hi tui takin a sa țhin.
.
Kum 1951 khan Govt. High School Shillong ah Cl - VII zirin Earle Hostel-ah a awm ve a. A țhianpa Lalthianghlima (L) nen Freshers’ Social-ah an zai dun a, miin thiam an ti hle. Kum 1952-ah AIR Guwahati Station Shillong-ah, Radio-ah a âw a thun ta a. Chuta țang chuan Zoram chhung leh pâwnah mite hriat a hlawh țan hle a ni.
.
Kum 1958-’59 chho vela St. Anthony’s College a a zai țhin laiin a țhiante nen “SENSIARI BOYS” Group an din ho va, College function leh Official function hrang hrangah an zai kual nasa hle. College an kal lai hian a țhiante nen Aizawl lamah an rawn chuang chhuak a. Theatre Hall (tun Vanapa Hall)-ah Sensiari Boys-te hi an zai a, chumi țum chuan Pu H.K. Bawichhuaka (L) kha Chairman niin function a kaihruai a, Sensiari Boys an han zai zo chu chairman chuan thiam a ti hle a ni ang, hnung lam ațang chuan Laikunga chu a kawm zauh va, “A bul ațangin sa leh rawh u,” a va ti leh a, tun thleng hian Sensiari tih hla chul thei lo, hranghluite lunglen kai thotu hi a sa lârtu la awm chhun niin, mi mit fûkna ber a la ni țhin.
Bawrhsâp (Superintendent)-in Lushai Hills District a awp lai khan phai lam ațanga mi pawimawh lo kal te hian Sensiari Boys zai turin an sâwm fo țhin a, tuna Governor awmna Raj Bhavan-ah hian hlim takin an zai ho hap hap țhin.
.
Kum 1959-1960 khan B.A. zir turin Calcutta lamah a liam thla leh a. Zai lam a chhunzawm zel bawk. Calcutta-a BA a pass hnuin kum 1961 leh 1962 kum te khan Serkawn High School-ah te zirtirtuin a thawk țhin. Sikula a thawh lai pawh hian zai lamah a inthlahdah ngai lo.
.
Mizoram lama a rawn chhuah chhoh hnu, kum 1994 khan Aizawlah Audio Album a siam a, he Album hming hi tunhmaa a lo lâr tawhna hming chawiin SENSIARI a vuah nghe nghe a, hla hlui lâr tak tak a record a, chung zinga lâr deuh deuhte chu: Sensiari, Di lenmawi, Ka ngai mang e, Ka bâng tawh ang tih hla Lalkhawliana phuahte; Lalzova hla: Mitthlain ka hmu, Mangțha Mangțha, Mahriakte’n ar ang ka vai e Pârte tih te; H. Lalringa hla phuah Zoramthangpuii te; K. Biaksanga hla phuah- Fam khua ka chanpui âwm e tih te; K. Rammawia hla phuah, Hêl lai Lalhniangi zûn tih te; Ka bâng dawn lo, Hmangaihna a sei êm mai tih Lalhmangaiha phuah te; K.C.Lalvunga phuah, Sik ni êng bakah, hla lâr êm êm țhin- Ka rawn fang leh hmana kan țuanna tlâng tih te a tel. Heng hlate hian lung a tileng hle a, nunhlui ngaihna lam hla te, hla ril țha tak tak an ni a, tunlai țhangthar zingah phei chuan lâr vak tawh lo te pawh a ni hlawm mai thei.
.
Kum 1996 khan Krismas Album - “LAIKUNGA & A FATE” tih chu a siam leh bawk. Amah hi mite’n zai thiam an ti êm êm a, a hla sak zinga mi K.C. Lalvunga phuah Sik ni êng tih phei kha chu kum 1956 - 1957 vel khan Shillong lamah a lo lâr viau tawh a, mite’n Sik ni ênga tiin a hming lem an lo vuah hial a ni.
No comments:
Thanks for your comment.