- Lalhmingchhuanga Zawngte
MAL Book of thr year 'Savun Kawrfual' ziaktu Pu Lalhmingchhuanga Zawngte thu ziak WhatsApp kawthlera kan chhar hi chhiar peih tan.
Kawhmawh bâwl duh vâng hrim hrim ni lovin, mi ngaihdân ni lo lam deuh bawk han sawi leh ṭhîn ila.
Kerala-ah chhûngkuain kum 3 kan zuk awm a. Kan Pasotr-pui chhûngkaw 4 dang an awm bawk a. Pathianni apiangin North East Fellowship-ah kan inkhâwm ve ziah a. In lama kan nuho titi-a an sawi ṭhin chu, “Awi a nawmzia hi aw! Thawmhnaw man to inbel a ngai si lo. Tihian Krismas pawh lungkham miah lovin kan han hmang thei a nia. Zoramah kan han haw chho ang a, rilru a va hah leh dâwn êm!” tih a ni.
Delhi-ah kan insawn a. Kum 2 zên zâwn kan awm ve leh ta a. Ka nupui fanaute hi secondhand thawmhnaw Rs. 50-100 man inbelin Pathianniah an inkhâwm fo mai. A zahthlâk miah lo. Mizo changkâng pui pui an tam êm êm, hautak lê lûin tumah an inchei lo.
Nizan hmasa khân kan nu nên online market-ah mipa incheina pheikhawk mawi deuh kan en a. A man kan han en chu Rs. 5,000.00 chuang lai a lo ni a. “A leina chu lo nei hrâm pawh ni ila, Delhi-ah chuan bun a zahthlâk ang,” kan ti ta a nih kha. A nuai têl hlawhte pawh hian khatiang teh vur kha an bun tlat lo.
Nikum October thla khân Zoramah ka lo chhuak a. Pathianniin Biak In pakhatah thu ka sawi dâwn a. “Mizoramah zawng incheina an ngaipawimawh si a,” ti rilru chungin, puithiam kawr ve deuh, ‘clergy collar’ an tih mai ang chi design kha ka ha chhuak ve ap mai a. Kan han chhuak tûr chu ka thlen inte nupa chuan car-ah min luhtir mai awzâwng lo. Mipui lakah min chhanhim an duh vâng a ni ber ang chu. Ka va lêt leh a, necktie awrhin, kawrchung ka va ha ta up mai a. A vawh lêm loh tehlul nên khân. Nghawngawrh kan ngaihsan dan em emte hi aw! Miten hnathawhnaahte an awrh vêl mai mai hi keini’n pulpit uniform awm chhun emaw kan ti tlat mai si a.
Book of the Year lâwmman ka dawn khân, ka kawr neih ṭhat ve ber, Delhi-ah chuan pulpit-ah pawh ka hâk ve ziah ṭhin ngei mai kha ka ha a. A bân bûl a nih vâng nge, necktie ka awrh loh vâng nge, function kaihruaitu ber khân mipui hmaah min sawisêl a. A hnuah ‘Meet the Author’ program-ah khân fiamthu deuhvin ka chhâng a.
Mizoramah zawng, incheina chungchângah bat anga neih, tih ngei ngei ngai, tih lohva thiam loh chan riauna ang chi kha in ngah êm mai, pâwn lama nun uluk leh mang si lo khân. Necktie, coat leh suit tih vêlte kha uniform ang deuhvin in inphût ni âwm a nia. In hausa êm a, in duhtâwkin in tithei pawh chu a lo ni ang a, hausa ve lo tân erawh chuan a hrehawm ngawt ang. Hmeichhe lam hlei hlei awi ka sawi thei lo.
Chawlhnia kan han inkhâwm hi chu millionaire kal khâwm aiin kan turû zâwk. Kan khawsakna chhevêl leh kan sum lâk luh nên erawh a inmawi hlawl lo.
Incheina mai pawh a ni lo. Kan biak in sak dân, a chhûng bungrua (pulpit, ṭhutthleng, sound system, engkim) leh thil dang danga kan chêt hautak dân êm êmte hi âw! Corruption do chu a va har dâwn êm! Kan mamawh hi a sâng lutuk a, mimal chhûngkua leh kohhran hian sum hi kan mamawh huam huam a ni ringawt mai a nih hi. Dik taka kan lâk luhin a phâk loh khawpa sum kan mamawh huam huam tawh chinah chuan corruption hi zuk hnar hleih theih hauh loh va!
A hnuai lama awmten changkânna emaw kan tih hi a chung lam aṭanga min thlîrtu tân chuan nuihzatthlâk tak a ni ṭhîn. Keini theihpatâwpa kan inpenparh a, changkâng ta riau emaw kan intih lai hian, keini aia hnam changkâng zawkte min thlîrna aṭang chuan a nuihzatthlâk tûrzia hi aw.
Mizo tlangvâlin pheikhawk sâng pui pui leh kekawr tlâng arh hluai an chîn hnu deuh khân kan khaw thlang lawka Mizo ni lo khuaah kan kal a. Pathianni chuan an nula 4 vêl kha kan bul lawkah an awm a. Chumi lam pan chuan an tlangvâl pakhat kha chârtin pheikhawk sâng pui mai bunin, kekawr tlâng arh mangkhêng nên khân a rawn kal phei hluap hluap mai a. Khawlaia vaipadên no ruak let rem rumte kha a rawn ṭum keh phei rep rep mai a. Nuih chu a za duh ve khawp mai. Keini pawh kan pheikhawk leh kan inkhawm kalkawngte hi a inchawih lo ve ang reng ṭhîn a. Chu ai mah chuan kan sum lâkluh leh kan incheina intuha lo lutuk mawlh mai hi.
MAL Book of thr year 'Savun Kawrfual' ziaktu Pu Lalhmingchhuanga Zawngte thu ziak WhatsApp kawthlera kan chhar hi chhiar peih tan.
Kawhmawh bâwl duh vâng hrim hrim ni lovin, mi ngaihdân ni lo lam deuh bawk han sawi leh ṭhîn ila.
Kerala-ah chhûngkuain kum 3 kan zuk awm a. Kan Pasotr-pui chhûngkaw 4 dang an awm bawk a. Pathianni apiangin North East Fellowship-ah kan inkhâwm ve ziah a. In lama kan nuho titi-a an sawi ṭhin chu, “Awi a nawmzia hi aw! Thawmhnaw man to inbel a ngai si lo. Tihian Krismas pawh lungkham miah lovin kan han hmang thei a nia. Zoramah kan han haw chho ang a, rilru a va hah leh dâwn êm!” tih a ni.
Delhi-ah kan insawn a. Kum 2 zên zâwn kan awm ve leh ta a. Ka nupui fanaute hi secondhand thawmhnaw Rs. 50-100 man inbelin Pathianniah an inkhâwm fo mai. A zahthlâk miah lo. Mizo changkâng pui pui an tam êm êm, hautak lê lûin tumah an inchei lo.
Nizan hmasa khân kan nu nên online market-ah mipa incheina pheikhawk mawi deuh kan en a. A man kan han en chu Rs. 5,000.00 chuang lai a lo ni a. “A leina chu lo nei hrâm pawh ni ila, Delhi-ah chuan bun a zahthlâk ang,” kan ti ta a nih kha. A nuai têl hlawhte pawh hian khatiang teh vur kha an bun tlat lo.
Nikum October thla khân Zoramah ka lo chhuak a. Pathianniin Biak In pakhatah thu ka sawi dâwn a. “Mizoramah zawng incheina an ngaipawimawh si a,” ti rilru chungin, puithiam kawr ve deuh, ‘clergy collar’ an tih mai ang chi design kha ka ha chhuak ve ap mai a. Kan han chhuak tûr chu ka thlen inte nupa chuan car-ah min luhtir mai awzâwng lo. Mipui lakah min chhanhim an duh vâng a ni ber ang chu. Ka va lêt leh a, necktie awrhin, kawrchung ka va ha ta up mai a. A vawh lêm loh tehlul nên khân. Nghawngawrh kan ngaihsan dan em emte hi aw! Miten hnathawhnaahte an awrh vêl mai mai hi keini’n pulpit uniform awm chhun emaw kan ti tlat mai si a.
Book of the Year lâwmman ka dawn khân, ka kawr neih ṭhat ve ber, Delhi-ah chuan pulpit-ah pawh ka hâk ve ziah ṭhin ngei mai kha ka ha a. A bân bûl a nih vâng nge, necktie ka awrh loh vâng nge, function kaihruaitu ber khân mipui hmaah min sawisêl a. A hnuah ‘Meet the Author’ program-ah khân fiamthu deuhvin ka chhâng a.
Mizoramah zawng, incheina chungchângah bat anga neih, tih ngei ngei ngai, tih lohva thiam loh chan riauna ang chi kha in ngah êm mai, pâwn lama nun uluk leh mang si lo khân. Necktie, coat leh suit tih vêlte kha uniform ang deuhvin in inphût ni âwm a nia. In hausa êm a, in duhtâwkin in tithei pawh chu a lo ni ang a, hausa ve lo tân erawh chuan a hrehawm ngawt ang. Hmeichhe lam hlei hlei awi ka sawi thei lo.
Chawlhnia kan han inkhâwm hi chu millionaire kal khâwm aiin kan turû zâwk. Kan khawsakna chhevêl leh kan sum lâk luh nên erawh a inmawi hlawl lo.
Incheina mai pawh a ni lo. Kan biak in sak dân, a chhûng bungrua (pulpit, ṭhutthleng, sound system, engkim) leh thil dang danga kan chêt hautak dân êm êmte hi âw! Corruption do chu a va har dâwn êm! Kan mamawh hi a sâng lutuk a, mimal chhûngkua leh kohhran hian sum hi kan mamawh huam huam a ni ringawt mai a nih hi. Dik taka kan lâk luhin a phâk loh khawpa sum kan mamawh huam huam tawh chinah chuan corruption hi zuk hnar hleih theih hauh loh va!
A hnuai lama awmten changkânna emaw kan tih hi a chung lam aṭanga min thlîrtu tân chuan nuihzatthlâk tak a ni ṭhîn. Keini theihpatâwpa kan inpenparh a, changkâng ta riau emaw kan intih lai hian, keini aia hnam changkâng zawkte min thlîrna aṭang chuan a nuihzatthlâk tûrzia hi aw.
Mizo tlangvâlin pheikhawk sâng pui pui leh kekawr tlâng arh hluai an chîn hnu deuh khân kan khaw thlang lawka Mizo ni lo khuaah kan kal a. Pathianni chuan an nula 4 vêl kha kan bul lawkah an awm a. Chumi lam pan chuan an tlangvâl pakhat kha chârtin pheikhawk sâng pui mai bunin, kekawr tlâng arh mangkhêng nên khân a rawn kal phei hluap hluap mai a. Khawlaia vaipadên no ruak let rem rumte kha a rawn ṭum keh phei rep rep mai a. Nuih chu a za duh ve khawp mai. Keini pawh kan pheikhawk leh kan inkhawm kalkawngte hi a inchawih lo ve ang reng ṭhîn a. Chu ai mah chuan kan sum lâkluh leh kan incheina intuha lo lutuk mawlh mai hi.
No comments:
Thanks for your comment.