SAWRKARIN HIM TI, MZP IN HIM LO TI: HIM LOH DAN HMUCHHUAK ZEL

Ahnuaia mi hi  Mizoram Home Department Additional Secretary in August 17, 2018 a facebook status a a post a ni a.

Tukin vanglaini ah MZP ten Mizoram ramri ah Assam state atanga NRC vanga lo lut tur ven nan gate siam an tum thu ka lo chhiara. Zirlai pawl ni si hi an van hman awm tak te ka lo ti mai2 a. Chuan MZP ho ka hrilh duh chu lo mangang reng2 suh se tih hi a ni... Bengali ho hi hnam ah an chiang em2 a 1971 bangladesh war vang khan refugee an rawn lut teuh mai.. mahse keini mizote ang in an in hmusit ve miahlo. Keini chuan kan thisen zawmpui ngei2te pawh Nghapih.. Mizo2.. etc in kan sawiduha. Tun tum NRC an han tih chhin mai2 ah pawh Bengalinu Mamtai chuan a dodal nghal thak mai.. Cachar Hailakandi leh Karimganj district te hi himna kulhpui an ni a assamis ho tih tham an awmlo.. Chuvang chuan mizoram a an rawn tlan luh te hi chu rin reng2 loh tur..ahman2 in ILP check chhuanlam a vaiho poisa kan chhuhsakna hmun ah hian an rawn pem lo ang.

-              Lalbiak zama

Mizoram Home Department, Additional Secretary

Fb status on August 17, 2018

August ni 4 khan MZP in NRC chungchanga hma la turin sawrkar an phut thu Press conference kovin an lo sawi tawh a. hetah hian a kimchang.

Home minister in all NGO, all party meeting a koh tuma MZP Gen.Headquarters general secreatry Lalnunmawia Pautu in NRC chungchang sawrkar hmalakna a zawhna chu, Force dah belh leh hma lak a nih thu a chhan a ni.

Ramri-ah police dah belh; NRC vanga Mizoram lut la awm lo

AUGUST 12, 2018  

Aizawl: Assam sawrkarin tunhnaia National Register of Citizens (NRC) a tihchhuah vangin Mizoram sawrkar chuan ramri-ah police a dah belh a, hriat theih chinah NRC vanga state atanga Mizoram a lut an la awm lo.

NRC vanga an hmalakna chungchang Zalen zawhna chhangin Mizoram Police IGP (Law & Order) LH Shanliana chuan, “Mizoram leh Assam ramria Border Out Post-ahte police kan dahbelh bakah chhun leh zanah patrolling kan nei a. Hei bakah ILP chungchangah pawh uluk lehzualin hma kan la bawk a. Tun dinhmunah chuan Assam atanga rawn lut an awm kan hre lo a ni,” a ti.

IGP chuan police-te chu an inring (alert) reng nia sawiin Assam laili atanga chhuakte chu Mizoram ai chuan Karimganj district an pan zawk a rin thu leh Mizote nen hmel a  inan loh em avanga hriat chhuah an awl tur thu a sawi bawk.

Mizo Zirlai Pawl (MZP) chuan Assam sawrkarin NRC a tihchhuah vang hian an state chhunga cheng mi nuai 40 te chu hmundangah an tlanchhe mek nia sawiin sawrkar chu hma la tura an phut thu an sawi.

Sawrkar hmalakna hi August 15, 2018 thleng ngaihchan an tum nia sawiin an duh anga hmalakna a awm loh chuan a tul anga checkgate siama hmalak an tum a ni. MZP hruaitute chuan tun dinhmunah sawrkar hmalakna an ngaichang mek niin Zalen palai an hrilh.

- A chunga mi hi Zalen.co.in a post kan hmuh a ni.
Link

Link 2 

Tin, heti hi a ni a……..

MZP chuan August 17, 2018 khan ram pumah hnam dang dan lova awm leh NRC nei lo dap beihpui a thlak rup mai a. Chutah chuan, Aizawlah ringawt pawh tam fe an man khawm a. Police kutah an hlan a. Chu pawh, ni khat chauh a ni. Han bei ngawrh deuh se kha aia tam mah kha la awm ring an awm tlat!

I chhiar duh takin a hnuaia link khu kan dah e. 
bairabia beihpui thlak leh NRC nei lo man chungchang report


Aizawl a MZP in beihpui a thlak leh NRC nei lo man chungchang report

Chuti chuan, MZP in a lo sawi tawh angin, Ramri-ah NRC chungchangah hma a la tan der tawh a. Vairengte lama Duty MZP Sub-Headquarters Vairengte te chuan NRC nei lo leh ILP fel lo tam tak hmuin, an let tir zel a.
Link

Vawiin August 20 khan MZP Gen.Hqrs atangin Vairengte,  Bairabi leh Saiphai vela duty tur an kal belh a. Saiphai-ah hian HSA te nen tanghovin hma an la dawn nia thu dawn a ni.

Thu kan dawn danin, Zanin dar 8 vel khan bairabi a rel lo lut chu MZP lam hian an lo check a, “Bairabi rail lo lut check nghal a ni a. NRC nei lo 10 man chhuah an ni a. Police kuta hlan nghal a ni e... Bairabi rail station ah hian ILP counter chu a awm ve a...duty an awm lohna a rei tawh an lo ti e.” tiin MZP Gen.Hqrs President L Ramdinliana Renthlei hnen atangin thu kan dawng bawk. 

- naktuk lamah report kimchang nen rawn let kan tum e..